Shillong, Risaw 25: Ka seng nongrep Farmer Association Adgre ka la thad madan ia ka pisa san la
k tyngka kaba la kynnoh ba la phah da u branch manager jong ka Lukhi Branch ha ki nongialam jong katei ka seng ba kin sngap jar ia ka jingleh klop ha katei ka thain la kynnoh ki nongialam katei ka seng.
Na ka liang jong ki nongialam katei ka seng ki nongrep ki la ong ba ia kane ka pisa la phah da u Dhiren Nath u ba ki la kynnoh ba dei u Branch Manager jong katei ka Bank ban pynsngap jar ia ki ha kaba ia dei bad kine ki kam beain kiba la leh ha katei ka Bank.
U President jong kane ka seng haba kren ha u SP News Agency u la ong ba ka seng nongrep kan nym shong kli kti ha kaba ia dei bad kane ka kam, ki ia leh ban pynioh ia ka hok jong ki paidbah.
La ong ba katei ka Bank ka la airam ia ki nongrep T.36000/- tyngka hynrei ki la ioh tang T.25000/- tyngka ka jingkylli ka long shaei kane ka T.11000 tyngka ka jah. Na ka liang jong ka seng ka la dep ban ai da ka jingujor sha ki pulit ha kaba ia dei bad kane ka jingleh klop la ong u president ka Farmer Association Adogre.
Na ka liang jong ka seng ka khot ka wer ia kiwei ki para seng ba kin ai lem ka jingkyrshah ia kane ka seng bad ki la dep ban ia kren ruh bad u Akhil Gogoi u wei na ki nongtrei kam paidbah na ka jylla Assam bad na Meghalaya ka CSWO jong ka kong Agenes Kharshiing ki la iarap lem ban ia leh na ka bynta jong ki nongrep.(SP News)
