Naduh u snem 1973 ki sorkar ki la ialeh ban iada ia kane ka jingwantuid ki briew kiba nabar : Dr Mukul

Shillong, Naiwieng 01: U myntri rangbah ka jylla u Dr Mukul Sangma mynta ka sngi u la ong ba ka jingialeh kumno ban ia da na ka jingwan jong ki briew kiba na bar ka la long naduh u snem 1973 bad ha katei ka por ka sorkar ka la pass ia ka wei ka billi  ia kaba la kyntait da u president jong ka Ri India.

Haba iohi ia kane ki sorkar ki la wad ki lad ki lynti bad ia kane kakam la juh ia kren hapoh ka iing dorbar thawain ka jylla na ka por sha ka por. U mytnri rangbah u la ong ba ka jingwan tuid jong ki briew kiba na bar ki don ar rukom, kawei ki briew kiba na ka ri bad kawei ki briew kiba na bar ri.

Kumba ka long mynta ka jylla Meghalaya ka don ia ka sixth schedule bad ka bynta jong ki khlieh nongsynshar shnong ka long kaba don kam ha kane ka liang, hynrei ka long ba ki don ki shong kiba but bad pynaid ryntih hynrei ki don pat kiba khlem but kane kan long ryntih ha ka jylla baroh kawei.

U myntri rangbah  u la ong ba ki don ki kynthun kiba ong ba dei tang ka ILP kaba lah ban iai da na ka jingwan jong ki briew kiba nabar hynrei ka sorkar ka ong ba kam dei kumta, kane ka jingiakynduh ban ia phylliew jignmud kan long kaba don kam khnang bay n ioh ia ka lada ka lynti kaba bha tam ban iada na ka jingwan tuid ki briew kiba na bar.

Na ka liang  jong u myntri rangbah  u la kren shai mytna ka sngi kane ka bill kaba la pynlait paidbah mynta ka sngi ka dei tang kum ka shynrong kam pat dei ruh kata ka bill kaba ka sorkar ka kwah ban wanrah, da ka jingiamir jingmud kan wanrah ia ki jingai jingmud kiba bha na ka bytna ka lawei jong ka ki khun ki kti bad ka pateng ban dang wan.

U Bah DD Lapang ha ka jingkren ka jong u ong ba kam don kano kano ka jingartatien ia kaei kaba ki sengbhalang ki dawa ka long kaba dei ban iada ia ki jaid bynreiw rit paid kane ka jylla lrm kumta ha kawei ka sngi kin sa shah klun ha ki wei pat ki jaid bynriew.

Na ka liang jong ki seng bahlang ruh ki sngewkhia ia kane bad ki sa dawa, ha ka juh ka por ka sorkar ruh ka sngew khia bha ia kane ka kam bad ka sa wanrah ia kane ka  jingiaphylliew jignmud bad lyngba kane ka jingiaphylliew jingmud kan wanrah ia ka sain dur kaba bha tam ban iada na ka jingwantuid jong ki briew kiba na bar u la ong.

Ha kane ka sngi kiba la wan ban ia shim bynta ki long ki khlieh nognsynshar, ki sengbhalang bad ki briew jong ka sorkar bad na ka liang jong ka sorkar.(SP News)