Shillong, Iaiong 20: U Chief Electoral Officer ka jylla Meghalaya u Dr. BDR Tiwari mynta ka sngi la pyntip ba ka jingpoi thep vote ki paidbah ka jylla Meghalaya ha baroh ar tylli ki Parliamentary konstitwensi 1-Shillong (ST) bad ka 2-Tura (ST) Parliamentary Konstitwensi ka long 76.60%.
Ka jingpoi ki nongthep vote haka 1-Shillong (ST) Parliamentary Konstitwensi ka long 73.78% ha kane ka kynti kaba mynta bad ka poi ki nongthep vote ha u snem 2019 kalong 65.68% badka jing kiew ka long da 8.1%.
Ka jingpoi ki nongthep vote ha 2-Tura (ST) Parliamentary Konstitwensi 81.37% , ha kane ka MP elekshon sha Lok Sabha mynta u snem 2024 katba ha u snem 2019 kiba poi thep vote ki long 81.38% ,ha kane ka kynti kaba mynta ka jingpoi ki nongthep vote ka hiar sa .1% ha katei ka konstitwensi.
Ka jingkiew ha ka jingpoi ki nongthep vote MP elekshon sha lok Sabha mynta ka snem 2025 ha kane ka jylla Meghalaya ka long da 5.18%. Kiba poi thep vote baroh ki long 76.60% katba ha u snem 2019 kiba poi thep vote ki long 71.42%.
