Shillong, Jymmang 31: U Myntri ba dei peit ia ka tnad Revenue bad Disaster Management ka sorkar jylla u bah Kyrmen Shylla la shai ka sngi ka 1/Jylliew/2024 un leit hi sha ka shnong Nongpriang ha kaba saw ngut ki briew kila khlad na ka jingshah ban ha ka khyndew.
Ha ka jingialang kaba la long mynta ka sng na ka liang jong u myntri u la kyntu ia ki ophisar jong ka sorkar jylla ba kin long kiba peitngor bad kiba la khreh ban iarap ia ki briew ha ba wan ka jingshah lynshop ha ka mariang kumba ka long mynta.
Na ka liang jong u myntri u la ai ka jingiaroh ia ki ophisar bad ia baroh kiba la don bynta ha kane ka jingai jingiarap ia ki briew kiba shah ktah na ka jingshah lynshop ha ka mariang, kiba la trei borbah ban iarap bad khamtam ia ki briew jong ka MeECL.
Ha kane ka jingialang la don baroh ki ophisar na ki tnad kib ia dei bad ka jingshah lynshop ha ka mariang, kum ka MeECL, ka State Emergency Operations Center, Districts, using Common Alerting Protocol (CAP) kaba la ai ia ka jingtip , Emergency Response Support System (ERSS) kaba dei na ka sorkar India.
Ha kane ka jingialang ia Karen ia ka jingiarap kaba la ai sha kito ki long iing kiba la shah ktah ha ka jingpynjot ka mariang bad ha ja juh ka por la shim jingkhein ruh ia ka jingduh kaba la shah pynjot ha ka mariang bad kum kiei ki jingduh kiba la ktah ia ka jylla.
Ha kane ka jingialang kiba la don lang ki long u Goyal, IAS, Commissioner bad Secretary, ka kong M. War Nongbri, IAS, Secretary, Revenue bad Disaster Management department, kiwei ki ophisar kiba la don lang ki long na ka SDMA.
