Shillong, Jylliew 13: Ka jingpang khieshoh kala nanghiar ha ki khyndiat snem ba la dep bad na ka liang ka office jong u deputy Dorector of Health Services Malaria cum state program Officer NCDC ha ka jingaitrei lang bad ka office jong u District Malaria jong ka East Khasi Hills District lem bad ka office u state Program officer NCDC bad ka intencified Malaria Control Project Meghalaya ka la buh ia ka thong ban rat dyngkhong ia kane ka jingpang na ka Jylla ha u snem 2030.
kumta halor kane ka thong ka office treikam jong ka tnad ka Koit ka khiah jong ka sorkar Jylla ki la pyntip ba ha u bnai Jylliew manla u snem ka pynlong la juhrakhe kum u bnai ban ialeh pyrshah ia ka jingpang Malaria ha shwa ba kan wan ka aiom ba ka jingpang kan saphriang bad ba ka jingthmu ka long ban wanrah ia ka jingkylla ha ka rukom ialeh pyrshah ia kane ka jingpang.
Ha ba ioh ban ia kren bad ki Doctor na kine ki office trei kam na ka liang ka Dr J B Khongbuh ka la pynpaw ba ki don shibun tylli ki sien jam ban pynkhreh ban ia khun pyrshah iakne ka jingpang bad ban pynlong ka jingpeit bniah ha manla ki shnong da ki malaria program workers bad ki Asha.
La ong ruh ba baroh ki jingshitom kum ka baiongkhlieh ruh la peitbniah da ki ANM bad ki malaria program workers bad ki Asha, la pynbiang I ki tiar kum haba shim snam rapit diagnostic test bad kiwei kiwei.
Ki la ongruh ba ki la pynlong ia ki program ai jinghikai ha kylleng ki jaka ha ka jingia shimbynta ki skul, ki borshnong ki seng bhalang nalor kiwei pat ha ka ba la test ia ka jingpang malaria ka jingpyndon kam ia ki longlasting insecticide net ka jingiatrei lang ka bai a synriem bad ka swachbharat khnangba ym ailad ban langum ki nala ka ba lah ban kharoi ki khniang pyrjong.
