Shillong, Naiwieng 10:Ka ialehkai iadur Masi ka long kawei na ki tamsa kaba lah b
an khring ia ki paidbah na kylleng ka ri Khasi Jaintia, ha ka sngi Saitjain da ki hajar ki la tuid ban sakhi sha ka tamasa iadur masi ha shnong Marpna, Sohiong, East Khasi Hills.
Kane ka iadur masi la pynlong ha madan ialehkai phutbol ka shnong Marpna, da ki nongpyniaid ka Fete ban iathong mano ban liem bad mano ban jop katba kup ka nusip. Ka long hapdeng u Jarah ba khamiong ka ryngdang na Thynroit pyrshah ia u Moin na shnong Wahlulu, Mariang.
Mar iasdang ka jingiakhun ki paidbah ki la iatur sha madan puk ban kham iohi bha. Ka jingiakhun kine ki masi kyrtong ka la neh kumba shiteng kynta, namar ba ki long kiba iabiang bor met kim ai jem uwei ia uwei bad ki iakhun dohiap haduh ba ki la mynsaw baroh ar ha ki bynta ka khlieh bad ryngdang ha ki reng ba nep.
Hadien ka jingiaksaid kaba la mih tdem thui hakhmat ki hajar ngut ki paidbah ba la wan ban sakhi shynrang bad kynthei, u Jarah ula lah ban pynliem thiaw ia u Moin, bad phet hapdeng ki paidbah bad ki paidbah ruh ki la phet ia lade naba tieng ioh mynsaw ei, hynrei donbok ba u Jarah ruh u khlem beh thong ia u Moin ha kaba ki nongialam ki la bat noh ban ialam sha kali ia u Jarah.
Ha shwa kane la don ruh ka pyniadur ia ki masi kyrtong kiba kham rit kaba la pynshoh biej ia ki paidbah.
Cap U Jarah na ka mon bad u Moin na ka diang kiba dangiakhun ha ka sngi Saitjain.(SP News)
