New Delhi, Naitung 19: Ka Union Public Service Commission (UPSC) kala pynlong ia ka jingtohkit bniah halor ka jingsuba ba ka Puja Manorama Dilip Khedkar kala leh shukor bad ia kane la lap ha dien ba la dep ban phah ia ka jingmynjur ia ka kyrteng jong ka na ka bynta ka Civil Services Examination-2022.
Ha kane ka jingtokit la shem ba ka jingleh jong ka Puja Manorama Dilip Khedkar la kynnoh ba kala leh ia ki kam kiba ym lah ban pdiang da kaba pynkhien ia ki rule da kaba thok ia ka kyrteng jong ka da kaba kylla kyrteng, wat ia ka kyrteng kmie kpa, ka dur bad ia ka jingsoi, ka email ID badwat ia u mobile number bad ka jaka sah.
Dei halor kane ba ka UPSU kala shim ki sienjam ia kitei ki jingshah kynnoh pyrshah ia ka ha kaba kala ujor da ka ejahar bad ki pulit bad kala khot hajir ruh bad ban pynduh noh ia ka jinglong kandidate jong ka na ka bynta Civil Services Examination-2022 bad ban nym shah shuh ia ka ban thoh eksam ha ki snem ban dang wan.
Ka UPSC kaba dei ka ophis kaba la buh katkum ka riti synshar jong ka Ri India, kala bat ryntih ia baroh ki kyndon kiba la pynkupbor katkum ka riti synshar haba pyniaid ia baroh ki eksam da kaba pynneh pynsah ia ka burom jong kam khlem da ia pein ban dup lah ban bat ia ki jingpyniaid baroh.
Dei kane ka jingleh jong ka UPSC ba kala ioh ia ka burom bad ka jingshaniah na ki paidbah, khamtam ki kandidate bad ka UPSC kala shim ia ka jngkitkhlieh ban pyniaid ia ki eksam khlem da ia shah ne shah pynbor ha kino kino ki bor hynrei ki pyniaid ia ki ha ba beit ba ryntih bad ka jingkhuid jingsuba.
