Shillong, Nailar 29: U Commissioner bad Secretary jong ka iing dorkbar thawain ka jylla u Dr. Andrew Simons u la pynmih ia ka jingpynbna ba u Lamphang ka iing dorbar thawain ka jylla u Thomas A Sangma u la ai ka jingithuh ia u Dr. Mukul Sangma TMC kum u nongialam ka liang pyrshah hapoh ka iing dorbar ka jylla naduh ka 28/Nialar/2024.
Ha kawei pat ka jingpybna u Lamphang ka iing dorbar thawain ka jylla u la ai ka jingithuh ia u bah Ronnie V Lyngdoh INC kum u nongbat shabuk jong ka liang pyrshah, ha ka iing dorbar thawain ka jylla bad kane ka treikam naduh ka 28/Nailar/2024.
Lah ban pynkynmaw ba ha dien ba lai ngut ki MLA jong ka INC kila leit ban pyniasoh bad ka NPP, u bah Ronnie V Lyngdoh u la hair shuki noh na ka kam nongialam liang pyrshah hapoh ka iing dorbar thwain ka jylla.
Ha kane ka iing dorbar thawain ka jylla ki MLA kiba don ha ka liang pyrshah ki don 10 ngut, TMC ki don 5 ngut, VPP ki don 4 ngut bad INC ki don 1, ha ka iing dorbar kaba don 59 ngut ki MLA, namar u Saleng A Sangma u la hiar shuki noh ha dien ba u la jop ua ka MP elekshon sha Lok Sabha na Tura.
