Shillong, Nailar 30: U myntri rangbah ka jylla u Conrad K Sangma haba jubab ia ka jingkylli jong u bah Mayralborn Syiem haba ia dei bad ka kam ri dohkha ha ka jylla, la ong ba kane ka kam ka long kaba kongsan.
Ka jingpynmih ia ki jingbam, ki symbai dohkha, ka jingpyniar ia ki jaka ri dohkha, ka jingai jinghikai ha ka kam ri dohkha, ka jingpynioh ia ka ram ban ri dohkha ha ka sut kaba rit na MCAB, ka sokar kala shim ia ki sien jam ruh ban pynbun ia ki jaka pynkha symbai dohkha.
Haba jubab ia ki jingkylli bynrap u myntri rangbah ka jylla u la ong ba ka jingbam doh kha ha ka jylla ka long kumba 32 hajar metric tone bad haba khein h ka dor jong ka pisa ka long haduh T.640 klur tyngka.
La ai ia ka jingkhein antad ba ka jingpynmih na ka jylla ia ka dohkha ka long laipawa kata 21 hajar metric tone kaba duna ia kata 11 hajar metric tone dang hap thied na shabar ka jylla haba khein ha ka liang ka pisa kan poi haduh T.240 klur tygka ha ka shisnem.
La ong ba ki jaka ri dohkha ha ka jylla kala kiew sha ka 5438.72 hakter ka jaka bad ki nongrep kiba ri dohkha kila kot sha ka 40000 ngut baroh, ka sorkar ka phah ia ki ba kin leit sha hikai kyrapng wat sha bar ka jylla kum ha Tripura bad kiwei.
Haba phai sha ka jingdon kam ia ki symbai dohkha ka long haduh 75 million tylli ha ka shisnem, katba ka jylla ka pynmih haduh mynta tang 24 millioh palat 50 million dang hap thied na shabar, ban pynbiang ia ki symbai dohkha ka sorkar kala shna 50 tylli ki jaka pynkha dohkha kiba dei jong ka sorkar bad jong ki riew shimet.
Haduh mynta na ki 50 tylli kila la pyntrei kam ki dang long tang 9 tylli bad 41 tylli ki dang shna ia ki, ban pynkhlain shuh shuh ia ka jingri dohkha ha ka jylla ka sorkar shen kan sa wanrah ia ka Meghalaya State Aqua Mission-III.
Haba jubab ia ka jingylli bynrap haba ia dei bad ka jingpynlong ia ki jingiakop khwai dohkha, myntri rangbah la ong ba ka jingiakop khwai dohkha ka dei kaba paw nam bha ha kane ka jylla, kumba ka long mynta dei ki DC kiba peit ban ai jingbit ban pynlong ia kum kine ki jingiakop.
Haba ia dei bad kane ba kan long kaba iaid beit ka sorkar kala pynkhreh ban wan rah noh ia ka Rule ha kaba pynlong ia ka jingiakop khwai dohkha ban long kiba iaid beit iaid ryntih ha ka jylla baroh kwei long ong u myntri rangbah ka jylla u Conrad K Sangma.
