Shillong, Nailur 03: u Bah Pyniaid Sing Syiem CEM jong ka KHADC ba dei ruh u Cahriman jong ka kynhun ki ADCs jong baroh 10 tylli kiba don ha Thainshatei lam mih ngi ka Ri India la ong ba kumba shibnai mynshuwa kila ia kynduh ia u myntri kampoh iing u Amit Shah ban ia kren ia kane ka Amendment ia ka Sixth Schedule.
Ha kane ka jingiakren la thaw ia ka kommittee ba kyrpang ba la khlieh da u myntri khynnah kampoh iing u Nitin Rai bad na ka liang jong ki ADCs kila dep ban phah ia ki jingai jingmut baroh sha ka kommittee haba ia dei bad ka Amendment banpynkhlain shuh shuh ia ki ADCs.
La ong ba kum ka khubor kaba ki ioh na ka tnad kampoh iing la la kumno kumno ka lah ban long ba ha u Naiwieng kin rah sha Parliament ban pdiang ia ka Amendment ba ia dei bad ka Sixth Schedule kaba kynthup ha ka Amendment kaba 125 ia ka riti synshar jong ka Ri India.
U CEM jong ka KHADC la ong ba don ka jingkyrmen ba kane kan dang pynkhlain shuh shuh ban pynneh pynsah ia ki riti dustur, ka kur ka jaid bad kiwei kiwei ki bynta kum ka kten ka thylieh ruh kum juh bad ban pynkhlain ia ka District Council.
Haba ia dei bad ka jingpynjlan ia samoi treikam jong ka KHADC bad JHADC, ha ka sien kaba nyngkogn ka long ba kine ki ar tylli ki District Council ki pynbeit ia ki konstitwensi bad mynta kila dep.
Ha kane ka bynta kaba ar ka dei ka kam jong ka sorkar namar ban pynlong ia ka elekshon ka sorkar ka don kam ban pynkhreh ia ka bui jong ki nongthep vote bad kane ka ia pher na ka MLA kumta ka shimpor bad ban pynlong ia ka elekshon kamdei ka kam kam jong ki District Council ka dei jong ka DCA.
