Shillong, Sept 05: Ka North-Eastern Regional Agricultural Marketing Corporation (NERAMAC), ka Central Public Sector Enterprise hapoh ka Tnat Development of North Eastern Region (DoNER), Sorkar India ka la pynlong ia ka prokram kaba ar sngi ba la tip kum ka “Jingkyntiew ia ka jingpynmih ia ki Krai ha India ” kaba la sdang ha Meghalaya RongaliBihu Auditorium, Shillong mynta ka sngi.
Ka jingthmu jong kane ka prokram kalong ban ai jingtip bad kyntiew ia ki jingmyntoi ba ioh na ka jingbam ia ki krai ban wanrah ia ki jingmyntoi kiba wan na ka jingkiew ka jingseisoh na ka kam ki nongrep.
U Bah B K Sohilya, Adviser cum Chairman, Meghalaya Farmers Empowerment Commission haba ai jingkren ia ki nongrep bad kiba don bynta ha kane ka kam u la ban jur ia ka jingdonkam ban don ka jingai jingtip halor ka jingkongsan ka jingpynmih ia ki krai.
U la ong ba u krai u long u mar bam ba bha bad ba dei ban pyniaid iew ia u kum u mar ba bha khnang ban ioh jingmyntoi ki nongrep. U la iaroh ia ki sienjam ba la shim da ka NERAMAC bad kyntu ka jingiasohlang hapdeng ki kynhun ban pynlong ia kane ka kam kaba jop.
U Commodore Rajiv Ashok (Retd), Managing Director, NERAMAC u la kren shaphang ki jingmyntoi jong ki krai bad ki daw ban pyndonkam ia ki ha ka jaka jong ka ja.
U la kren ruh shaphang ka jingtrei borbah ka Sorkar India na ka bynta ki krai ha kine ki snem ba la leit kaba la ialam sha ka jingithuh ka pyrthei ia ka kum ka International Year of Millets.
U M Iboyaima Meitei, Horticulture Adviser, NEC, u la iarohia ka sienjam ba la shim da ka NERAMAC ha ka kam rep bad Horticulture bad khamtam ka jingkyntiew ia ki krai.
U la ong ba ka jingpyntreikam ia ka FPO ka skhim jong ka sorkarpdeng da ka NERAMAC la leh ha ka rukom kaba lah ban pynbud da kiwei kiwei. U la ong ruh ba ka NEC ka kyrshan pura ia ki jingpyrshang ha kane ka kam.
U KayioKayina, MD NERCORMS, u la ong ba ki krai ki ju long shi bynta ka bam jong ki longshuwa jong ngi bad kumta kalong kaba kongsan ban pynneh bad kyntiew ia ka na ka bynta ka jingshngain ka jingdon bam, ka jingbun ki mar rep bad ka jinglong tynrai jong u ha ka jingpynbiang ia ki jingdonkam jong ka met.
Ka Kong J C Lyngdoh, Director jong ka Tnat ka rep ka riang, Sorkar Meghalaya ka la ong ba ka jaka ba thung ia ki kraiwatla ka duna hynrei la kyntiew ha kine ki snem bad ka sorkar jylla ka trei ha ka rukom Mission Mode ban pynthikna kalawei kaba iaineh ha ryngkat ki krai.
Ha kane ka sngi la pyni ia ki mar ba la shna na u krai kiba la buh ha ki stall. Ki nongseng kam lajong ki la pyni bunjait ki mar ba kynthup ki khawkrai, ki mar bam ba la pynkhreh ban shet. Ki mat ba kongsan jong kane ka prokram ki kynthup ia ki mar ba la pynkhreh ban shet kum u Millet Malt, ki biskit, ladoo, millet rusk, raginamkeen, ki kpu, ka wine bad kiwei kiwei.
Ki Nongshah khot sngewbha ym tangba ki la iapbieit ia ka jingbun lad ban pyndonkam ia ki jingbamthiang ba shna da ki kraihynrei ki la pynpaw ka jingkwah ban tip shuh shuh shaphang ki mar bam ba la khreh ban shetban kynthup ha ka bam jong ki ba man ka sngi.
Ha kane ka prokram la sakhi ka jingiashim bynta kumba 200 ngut ki nongioh jingmyntoi, ba kynthup ia ki nongrepkrai bad ki nongseng kam lajong na Meghalaya, Assam & Arunachal Pradesh. Ia kane ka prokram la kyrshan da ka Tnat ka rep ka riang bad ka bha ka miat jong ki nongrep, Sorkar India.
