Shillong, Nailur 06: U Myntri Rangbah ka jylla u Conrad K Sangma mynta ka sngi haba pynkup burom ia ia ki nongjop ha ka “World Arm Wrestling Championship 2024” kaba la long ha Moldova ha ka ri Philippines kaba la long ha KJP Assembly Hall ha IGP u la pynbna ban sdang ia ka ‘Inter Constituency Football League’.
Haba ia dei bad kane ka jingialehkai, kynjat ball ka jingthmu ka long ban wanrah ia ka jingiakynduh lang ki paidbah nongshnong na kawei ka Konstitwensi bad kawei pat ka konstitwensi bad kane kan wanrah ia ka jingia sngew jan.
Da kaba leh kumne man ka konstitwensi kan don ha ka kynhun ia lehkai ha baroh 60 tylli ki konstitwensi, la ong ba ia kane ka jingialehkai ka sorkar kan sa sdang ha dien ka Meghalaya Games 2025 kaban long ha Jaintia Hills.
Haba pynlong ia kum kine ki jingialehkai kan pynlong ruh ba don ki jaka ialehkai kiba biang ha ki konstitwensi bad ynda ki jingialehkai kila kut ki jingtei kiba la shna bad kiba la pynbha ka jingmyntoi kan long ha kito ki jaka hi.
Ha kane ka sngi u myntri rangbah u la pynkup burom ia baroh ki nongialehkai kiba la ioh ia ka nam jong ki ha ki jingialehkai ha ka pyrthei kiba la wanrah burom ia ka jylla bad ka ri, ha kane ka sngi la don lang ruh u myntri ka tnad ialehkai u bah Shankliar Warjri.
Kiba la shah pynkup burom ki long u bah Donbor Rumnong, Johny Nongrum, kong Margaret Pathaw, ka Senebi Sungkli, u Hubert Paliar, ka Starina Jasian bad ka Mihsngewbha Rymbai.
