New Delhi Naiwieng19: Ka tand ba deipeit ia ka roi ka par jong ka Dong shatei lam mih ngi jong ka Ri India ryngkat bad ka Indian Chamber of Commerce (ICC), kan pynlong ia ka ‘North-East Business Summit’ kaban sdang ha ka 22 bad kan kut ha ka 24 tarik mynta u bnai ha Diburgrah, Assam.
Kane ka jingialang ka long ban khring ia ki briew kiba na shabar ba kin wan ban bei pisa ha kane ka dong shatei lam mih ngi jong ka Ri India ha ki kam bapher bapher. Kane ka jingialang ka long kaba don kam namar kane ka long ka sien kaba nyngkong kaba la pynlong ha kane ka thain shatei lam mih ngi.
Ha kane ka jingialang kaba kongsan eh ka long baa r ngut ki myntri na ka Rib a markhap ka Myanmar kin wan ban ia shim bynta namar katei ka Ri ka dei kawei na ki dkhot jong ka ASEAN bad ka lyntibah ia kaba la tip kum ka Trans Asian High Way kan iaid lyngba katei ka Ri.
Ka tand ba deipeit ia kane ka dong shatei lam mih ngi ka don ia ka jingsngewkhia kumno ban kyntiew ia ka roi ka par ha kane ka thain da kaba wad ki lad ki lynti kumno ba ki briew kin wan ban seng kam seng jam ha kine ki jylla ka dong shatei lam mih ngi ka Ri India.
Kane ka jingialang kaba lai sngi kin ia kren kumno ban wanrah ia ka roi ka par na ka bynta ban kyntiew ia ka ioh ka kot jong ki briew kane ka thain da kaba pynwandur ia kane katkum ka thong kaba don ha ka “ NE Vision 2020” ia kaba la pruid dak jong u myntri rangbahduh jong ka Ri U Dr Manmohan Singh ha u snem 2008.
Kane ka thain ka don bun ia ka spah mariang kaba ym pat pyndon kam ia ki, ha kane ka jingialang kin don ruh ki ophisar jong ka sorkar pdeng ki ban kdew lynti bad ryngkat ki heh spah kiba kwah ban wan seng kam ha kane ka thain shateilam mih ngi kin ia don lang ha kitei ki sngi.
Ki ban ia poi sha kane ka jingialang kin long ki myntri rangbah kane ka thain, ki myntri ka sorkar pdeng bad ki nongkren kiba tbit ha ka liang ka khaii patengia kane ka jingialang ym plied a u myntri ba dei peit ia kane ka thain u Paban Singh Ghotawar.(SP News)
