Shillong, Nailur 09: Ka jingpur jong ki jyrmi ha ki dieng eletrik ka long ha kylleng ka jylla bad kum juh ha kane ka nongbah Shillong, ia kaba ka MeECL kam shym la pynkhuid ia ki wat la kila long ki jingma ia ki paidbah khamtam ha Shillong.
Ha kine ki khyndiat taiew ka MeECL kala pynkhuid ia ki jyrmih kiba pur ha ki kato katne tylli kiba pur ha ki Transformer ha kane ka nongbah Shillong, hynrei ki jyrmi kiba pur ha ki dieng eletrik pat kam shym la pynkhuid.
Ha YMC Mawkhar u jyrmi u pur bha ha ha dieng eleltrik bad u don ruh ha jan iing briew, ia kaba ka MeECL kam pat pynkhuid ne pom noh ia u jyrmi bala pur bha ka dieng eleltrik ba don ha kane ka jaka bad ka don ka jingma.
La juh iohi na ka por sha ka por ba ka MeECL ka juhpynkhuid hynrei bun ka pynsah teng bad kane ka long ka jingma ia ki paidbah kiba iaid ba ieng bad khamtam kito kiba don ha jan iing jong ki briew lane ha jan jongh ki dukan.
