PM addressing the gathering at the inauguration of SEMICON India 2024 at India Expo Mart, Greater Noida, in Uttar Pradesh on September 11, 2024.
New Delhi, Nailur 11: U Myntri Rangbah Duh, Narendra Modi u la pyniaid ia ka Roundtable jong ki Semiconductor Executive ha ka iing jong u ha 7, Lok Kalyan Marg mynta ka sngi.
Ha kane ka jingialang, u Myntri Rangbah Duh u la ong ba ki jingai jingmut jong ki kin pynkylla ia ka kam khaii pateng bad ka lawei jong ka India. Da kaba ong ba ki por ki ban wan kin iaid lyngba ka teknoloji.
U Myntri Rangbah Duh u la ong ba ki semiconductor ki dei ki nongrim jong ka juk digital bad ba shen kan ka poi ka por ha kaba ka kam semiconductor kan sa long ka nongrimwat ia ki jingdonkam ba kongsan ha ka jingim.
U Myntri Rangbah Duh u la ong ba ka synsharpaidbah bad ka teknoloji ki lah ban pynthikna ka bha ka miat jong ki briew bad ba ka India ka dang iaidshakhmat ha kane ka lynti da kaba sngewthuh ia la ka jingbahkhlieh ha ki kam semiconductor ha ka pyrthei.
U Myntri Rangbah Duh u la kren shaphang ki rishod jong ka roi ka par kiba kynthup ka jingpynbiang ia ki jingdon jingem ha ka imlang sahlang, ha ki kam digital bad ha ki jingtei, kaba kyntiew ia ka roi ka par ia baroh.
Ka jingpynduna ia ki kyndon ba hap bud bad ka jingkhring ia ka jingbei tyngka ha ki kam shna tiar bad ka jingsaindur thymmai. U la ong ba ka India ka lah ban long ka nongiatreilang ba lah ban shaniah ha ka kam pynbiang semiconductor.
U Myntri Rangbah Duh u la kren shaphang ki briew jong ka India kiba don sap bad ka jingpeit bniah jong ka sorkar ban pyntbit bad pynthikna ba ngi don ki nongtrei kiba la tbit ha kane ka kam. U la ong ba ka jingpeit bniah jong ka India ka dei ban pynmih ia ki tiar kiba iaid iew ha kylleng ka pyrthei.
U la ong ba ka India ka dei ka jaka kaba biang tam ban bei tyngka ha ki jingdon jingem hi-tech bad u la ong ba ka jingshongshit jong kito kiba la paw ha ki kam semiconductor mynta ka sngi kan ai mynsiem ia ka sorkar ba kan trei shitom shuh shuh ha kane ka kam.
U Myntri Rangbah Duh u la kularba ka sorkarkan bud ia ka polisi kaba iaidbeitiaidryntih. Da ka jingpeit bniah ia ka Shna ha India, Shna na ka Bynta ka Pyrthei, u Myntri Rangbah Duh u la ong ba ka sorkar kan bteng ban ai jingkyrshan ia kane ka kam ha man ka sienjam.
Ki CEO ki la sngew hun ia ka jingkut jingmut ka India na ka bynta ka jingkyntiew ia ka kam semiconductor bad ki la ong ba kaei kaba la jia mynta ka sngi ka dei ka bym pat jujia ha kaba ki nongialam jong baroh kawei ka kam semiconductor ki la wan lang ha kawei ka jaka. Ki la iakren shaphang ki lad kiba bun ha ka kam semiconductor.
Ki la ong ba ka jingphaikhmat ha ki kam semiconductor ka la sdang kylla sha ka India, da kaba bynrap ba ka jinglong jingman ha ka ri mynta ka iahap bha ia ki kam semiconductor kaba la kyntiew kyrdan ia ka India ha kane ka kam.
Ki la ong ba ki ngeit ba kaba bha ia ka India kan long ruh ka jingbha ia ka pyrthei bad ba ka India ka don ka lad kaba heh ban long ka nbor kaba khraw ha kaba iadei bad ki mar ba donkam ha ka kam semiconductor.
Ki la iarohia ka jingsuk ban trei ha ki kam khaii pateng ha India da kaba kdew ba wat hapdeng ki jingiathut ha kane ka pyrthei mynta, ka India ka iaidbeitiaidryntih. Da kaba kdew sha ki lad kiba bun ha India, ki la ong ba baroh ki ngeit ba ka India ka dei ka jaka kaba biang bha ban bei tyngka mynta.
Ki la kynmaw ia ka jingpynshlur jong u Myntri Rangbah Duh ha ki por ba la dep bad ki la ong ba ki lad kiba bun kiba don ha India mynta ki dei kiba ym pat juiohimynshuwa bad ba ki sngew sarong ban iatrei lang bad ka India.
Ha kane ka jingialang la waniashim bynta lang da ki CEO, ki Khliehduh bad ki nongmihkhmat na ki kynhun bapher bapher kiba kynthup ia ka SEMI, Micron, NXP, PSMC, IMEC, Renesas, TEPL, Tokyo Electron Ltd, Tower, Synopsys, Cadence, Rapidus, Jacobs, JSR, Infineon, Advantest, Teradyne, Applied Materials, Lam Research, Merck, CG Power badKaynes Technology. Ha kane ka sngi la iadonlang ruh ki Professor na ka Stanford University, University of California San Diego bad IIT Bhubaneswar.
