Shillong, Nailur 12: Ha ka dorbar synrai kaba dang shudep u myntri ba deipeit ia ka tnad social welfare u bah Paul lyngdoh haba jubab da ka jingthoh hapoh ka “unstarred” ia ka jignkylli jong u bah Synshar Kupar Roy Lyngdoh Thabah, la ong ba ki don 1747 tylli ki mukotduma kiba la resgiter hapoh ka ain POCSO.
Kitei baroh kiba dang don hapdeng ki jingtian bishar ha ki iing bishar bapher bapher ha ki District kiba don ha ka jylla haduh bas dang u bnai Jylliew 2024. Ha ka jylla ki don 6 tylli ki iing bishar kiba tian bishar ia ki mukotduma kyrpang tang ia ki kam POSCO.
Ki 6 tylli ki iing bishar kiba dei kyrpang ban bishar tang ia ki mukotduma ba ia dei bad ki kam POSCO, 2 tylli ki don ha East Khasi Hills District, ka wei ha West Khasi Hills District, ka wei ha West Jiantia Hills District, ka wei ha Ri Bhoi District bad kawei ha West Garo Hills District.
Ki mukotduma kiba la register hapoh ka POCSO kiba la dep ban ai rai baroh ki long 894 tylli kane ka long haduh u bnai Jylliew 2024.
