Shillong, Nailur 20: Mynta ka sngi u bah A L Hek u la leit ban ia kynduh ia u myntri ka sorkar pdeng u Jyotiraditya Scindia ba dei peit ia a DoNER ha ing sah jong u ban ia kren ia ki kam pynroi ha kane ka thainshatei lam mih ngi ka Ri India.
Ha kane ka jingiakren u bah Hek u la ia kren ia ki kam pynroi na ka bynta ka thain shatei lam mih ngi baroh kawei bad ha ka juh ka por kyrpang ia ka jylla Meghalaya kaba dang don kam shibun ki kam pynroi.
Ha kane ka jingia kynduh u myntri ka sorkar pdeng u la pynpaw ba ka jylla Meghalaya ka don ia ka jingitynad jong ka mariang bad ka jylla ka don ia ka lat ban kyntiew ia ki kam jngohkai pyrthei ha kane ka jylla.
U myntri ka sorkar pdeng u la pynsgew ba ka sorkar pdeng ka don ka jingthmu ban bei tyngka ban kyntiew ia ki jingpynsah nam ia ki jinglong tynrai bad ha ka juh ka por ban pynneh pynsah ia ka riti dustur na ka bynta ban ioh jingki riew lum.
