Shillong, Naiwieng 22:Ki riew rangbah kynthup ia u bah Lungsing Bey, bah A Nongpoh, President RUPA, Ri Bhoi Zone, A Jyrwa Secretary HYNF-NR lem bad kiwei rangbah ki la leit iakynduh ia u Bah JK Dorphang, MLA Mawhati konstitwensi kiba la pynpaw ban buh noh da ka tnad jong ka Bank ha shnong Mawlasnai ban pynsuk ia ki paidbah ka thain.
U Bah Nongpoh ula iathuh, ha katei ka jingiakynduh la donlang ruh ki briew na ka SBI bad na ka Bank Nongkyndong kiba la pynpaw ka jingkmen halor ka katei ka jingthmu ban buh noh da ka tnad ha Mawlasnai.
U la ong, ka Mawlasnai ka long ka jaka pdeng ia ki shnong kynthup na block-II bad kan long ka jingmyntoi shibun ia ki paidbah lada lah ban buh ia ka bank, kata ban ioh ki lad jingiarap kum ki skhim bapher bapher ka sorkar jylla, ban kynshew pisa ha ka lynti kaba duk. Namar kumba long mynta ki hab ban iabeh baroh baroh ki kam ba iadei bad ka bank sha Bhoirymbong.
Halor kane, ula iathuh ba u MLA ruh ula kular ban iakren bad ki heh ka bank na bynta ban buh noh ia ka tnad ha Mawlasnai na bynta ban pynsuk ia ki paidbah (SP News)
