Shillong, Risaw 09: U Myntri ka tnad Revenue and Disaster Management u Bah Kyrmen Shylla Mynta ka sngi ka 9 tarik u Risaw 2024 ha ka jingiakynduh bad ki nongthoh khubor u la ai ka jingtip halor ka jingjulor na ka jingshlei um kaba jur bad ka jingtwa khyndew ha kylleng ka jylla Meghalaya katkum ki kaiphod.
U myntri u la pyntip ba ki don haduh 246 tylli ki shnong ha kylleng ka thain East Garo Hills Ka Hills District ka la shah ktah jur kaba la ktah ïa ki 665 tylli ki ïing ha kaba 15 ngut ki briew ki la duh noh ïa la ka jong ka jingim ha ki lum Garo West, East bad South.
U Myntri u la ong ruh ba kane ka jingjia ka long kum kawei na ki jingjia ba shyrkhei tam kaba u la sakhi ha ka thain lum Garo bad u batai ia ka jingpyrshang jong ka sorkar jylla kaba dang iaid shakhmat ban ai jingiarap bad pynbha ia ki jaka ba shah ktah.
Ka west Garo Hills District ka jingdon jong ki shnong kiba shah ktah ki long 132 tylli ki dkhot ki dei ki jingjulor ki iing ki sem ki long 93 tylli na kata 5 ngut ki la duh ei ia la ka jong ka jingim bad lai ngut ki la mynsaw.
Ha south Garo Hills 79 ki shnong kiba shah ktah 244 ki dei ki jingshah pynjulor ki iing bad 7 ngut ki la duh ei ia la ka jong ka jingim. Bad ha East Garo hills 12 tylli ki shnong ki shah ktah 1 tylli ki iing ki shah pynjulor bad 3 tylli ki jingim ki la duh bad 3 ngut ki la mynsaw.
Ha North Garo hills 3 tylli ki shnong ki shah ktah, ha South West Garo hills 15 tylli ki shnong ki shah ktah bad 8 tylli ki iing ki sem.
