Shillong, Naiwieng 26:Ka Royal CC ka la pynliem noh ia ka TNT Sputnik CC da 4 run ha ka NEC Platinum Jubilee Cup T-20 Cricket Tournament kaba la pynlong da ka Shillong Cricket Association hynne ka sngi ha Polo.
Ha ka jingiakhun ka Royal CC kaba la kam ban tied nyngkong ka la ialehkai bha bad kamai 144 bad liem noh 9 wicket ha ki 20 over. U Ganesh Sahani na ka Royal ula trei shitom bad kamai 64 run na ki 48 bol, katba u Md Nafeez bad u Swarajeet ki la pynliem mar lai wicket hynne ka sngi.
Ka TNT Sputnik CC kaba la wan ban tied hadien, ka la iakhun tyngeh ban poi sha ka thong ba la buh ka Royal hynrei kam shym la lah satia bad ioh ban kamai 139 run bad liem san ngut ki wicket ba baroh ki over.U Swarajeet Das ula kamai 56 na ki 49 bol katba u Rajiv Ray ula pynliem 2 wicket ban pynjop ia la ka kynhun da 4 run.
Ha kawei pat ka jingialehkai ka All Jaintia Cricket Association ka la jop ia ka Malki SCC da 58 run. Ka All Jaintia Cricket Association kaba la tied nyngkong ka la kamai 121 run bad liem noh 6 wicket ha ki 20 over. U Jeffrey Lyting ula kamai 29 run na ki 40 bol katba u Manish Sangma ula pynliem 3 wicket.
Haba la poi ka pali, ka Malki SCC kam shym la lah ban shan slem ha ka jingiakhun namar ka jinghab kloi ki nongtied (wicket) bad ka la kamai tang 63 run na ki 18.1 over. U Richard Paswett na ka All Jaintia ula pynliem haduh 5 wicket bad for 23.(SP News)
