Shillong, Naiwieng 11: Mynta ka sngi ka seng samla pule ka North Eastern Hill University Students’ Union (NEHUSU) kala phah da ka jingthoh sha ka President jong ka Ri India ka Droupadi Murmu ban ujor pyrshah ia u Vice Chansellor ka skul bah ba pep na jingtrei wat ha pdeng ka jingiakhih shah thgnan ki samla pule.
Ha ka shithi kaba la phah sha ka Presidetn ka Ri India da ka NEHUSU bad ka seng KSU jong ka shnat ha NEHU ka long ba ki ujor halor ka jingpep trei jong u VC wat hapdeng kane ka jingiakhih shah thngan ki samla pule ha katei ka skul bah.
Ha ka shithi ba kila phah sha ka president kila kdew ba kala dp 146 kynta naduh ba ki samla pule kila iakhih da kaba shah thngan, hynrei u VC u la phail ha kaba pyndep ia ka kamram jong u namar u la pep trei khlem da pyntip.
Kane ka long kaei kawei kaba sngewkhia shisha, kane ka kren shai ka jingbym lah jong u bnai pyndep iala ka kamram kum u khlieh jong kane ka jaka pule haba ka don kane ka jingiakhih bad kane ka kren shai ka jingbymlah ka jong ban treikam, ha ka jaka ban weng ia kine ka jingeh u pep trei pynban.
Kane ka jingiakhih sha thgnan jong ki samla pule kala sdang ban ktah ia ka koit ka khiah jong ki samla pule bad bun la pynkit sha Hospital ban ioh ia ka jingsumar. Ka jingbym don jong u VC bad ka jingbym tip lano un wan kane kala buh ia ki samla pule kiba ia khih ha ka umdum bad kane ka buh ia ka jingartaien ia ka jingtrei kam ka jong u VC.
Kumba ka long mynta kala dei ka por ban don ia ka eksam jong ki samla pule ha ka kyrdan pule BA, BSc, B.Com, ka jingpep u VC na jingtrei kala buh ha ka jingeh ba kumno ban pyniaid beit ia ki eksam, kane kan nym ktah tang ia ki samla pule ka NEHU hynrei kan ktah ruh ia ki Kolej kiba pyniasoh bad ka NEHU, kane kan ktah ia ki samla pule kiba bun.
Kane ka jingleh jong u VC ban pep na jingtrei ha ka por ba dang ha ki jingeh kala buh ia ki samla pule ban nym don shuh ka jingshah niah ha ka jingialam ka jong u bad kane ka jingbym don ka jong u ha ka por ba don kam kala wanrah ia ka jingsngew duh jingkyrmen ha ki samla pule.
Halor kitei ki jingleh jong u VC na ka liang jong ki samla pule ki sngew ba um long u ba bit ban dang iai bteng ia kane ka kam kum u VC ka skul bah, ka jingbym don jingkit khleh bad ban peit ia ka bha ka miat jong ki samla pule ka ktah ia ka burom ka ijot jong skul bah, kumnta na ka liang jong ki samla pule ki kyrpad ban weng noh ia u VC ba mynta.
Kane ka jingleh ka jong u ka kdew shai ka jingbym lah ka jong ban treikam kaba ka ophis ka dawa, la kyntu ia ka president ka Ri India ba kan leh ei ei na ka bynta ka jingbha ki samla pule ka skul bah.
Ia ka shithi bala phah sha ka President ka Ri India la soi da ki sawngut ki samla pule, u samla Sandy Sohtun President NEHUSU, samla Toniho Kharsati General Secretary NEHUSU, u samla Shibaitlang Rymbai President KSU ka shnat NEHU bad u samla Kevin Nelson Wanrap General Secretary KSU shnat NEHU, ia kane ka shithi la ai kotpi ruhs ha ki bor sorkar bad ki nongmih khmat.
