Shillong, Nohprah 09: Ha kane ka jingialang ka kabinet kila shim ia ka rai ban pynlong ia ka elekshon sha iing dorbar thawain jong ki ar tylli ki District Council, kata ka KHADC bad JHADC bad ka kabinet kala pdiang ia ka por ban long elekshon.
Kumba ia tip ia kane la phah sha u Lat ka jylla bad ha dein bala pdiang da u lat ka jylla ynsa lah ban pynbna , ka kabinet kala pdiang hynrei kan dang phah sha u lat ka jylla ban ioh ia ka jingmynjur ka jong u Lat ka jylla bad mynta ki dang ap ia ka jingmynjur jong u lat.
Mar ia ioh ia ka jingmynjur jong u lat ka sorkar kan sa pynbna ia ka por ban long ka elekshon bad ka por ban pynlong ia ka elekshon, mynta kin dang ap ia ka jingmynjur jong u lat ka jylla ban pdiang ban pynlong ia ka elekshon sha ka KHADC bad JHADC.
Ka Kabinet la shim ia ka rai na ka bynta ki san tylli ki kolej, kito ki long ka, Sohra Kolej, Williamnagar Government Kolej, Baghmara Kolej, Mawphlang bad Mahendraganj kolej, ka kabinet kala shim ia ka rai ban buh ia ka shnat pule ha kitei ki kolej ia ka jingpule ka subjet Saian namar katkumka NEP ka long ban don bun ki shnat pule ha ki kolej sorkar, ka sorkar kan ai ai jingbit ban thung nonghikai ha ka saian.
