Shillong, Nohprah 14: Ka jingialang kaba 72 jong ka North Eastern Council (NEC) Secretariat kan long ha ka 20 bad 21 tarik u Nohprah 2024 ha nongbah Agartala, ka jylla Tripura.
Kane ka kane ka jingialang kaba ar sngi, ha ka 21 tarik u Nohprah 2024 ha Pragna Bhabanka dei ka ban pyniaid da u Amit Shah, Myntri Sorkar Pdeng ba dei khmih ia ka tnad Kam Pohiing bad Chairman ka NEC. Jyotiraditya M. Scindia, Myntri ka tnad DoNER bad Vice Chairman jong ka NEC.
Ha kane ka jingialang yn don ryngkat u Dr. Sukanta Majumdar, Myntri Khynnah ka tnad DoNER, ruh un iashim bynta. Ki Lat bad ki Myntri Rangbah jong baroh ki jylla ka thain shateilammihngi kin ia donlang ha ryngkat ki dkhot ka NEC.
Ha ka 20 tarik u Nohprah, ka bynta shuwa ka Plenary kan long ha Hotel Polo Towers, ban pyniaid da u Dr. Sukanta Majumdar, ha kaba yn iashim bynta ki Secretary jong ki tnad Sorkar Pdeng bapher bapher, ki Chief Secretary jong ki jylla ka thain shateilammihngi bad ki ophisar na ka tnad pynkhreh kam.
