Shillong, Kyllalyngkot 10: Mynta ka sngi ka party Congress kala pynbna ia ki kyrtong ban ia khun ia ka MDC Election sha ki ar tylli ki iing dorbar, 11 ngut sha ka iing dorbar jong ka KHADC bad 5 ngut sha ka iing dorbar jong ka JHADC.
Ki kyrtong kiban ia khun ia ka MDC elekshon sha ka iing dorbar jong ka KHADC ki long u bah Victor Ranee na Jirang, bah Micky Dauglas Syiem na Umroi, u bah Lamborsing Nongrum na Nongkrem, u bah Rilang Nongkhlaw na Langkyrdem Laitkroh
U Bah Monarch Shabong na Nongshken, u bah Batskhem Marbañiang na Mawsynram, u bah B Vitus Rymmai na Sohra, u bah George Sun na Mawphlang Diengiei, u bah G Ningstar Marthong na Nongstoin, bah Kodang Rashir na Mawshynrut bad bah Phedonnam Rngaid na Langrin.
Ki kyrtong ki ban ia khun ia ka MDC elekshon sha ka iing dorbar jong ka JHADC ki long u bah Bitos Sari na Mukhla Ummulong, bah Katbanbiang Lamare na Nartiang, bah Richard Singh Lyngdoh na Mynso Nongjngi, bah Saron Pasweth na Jowai South bad bah Lalwilliam Thiaite na Saipung Nongkhlieh.
Ka party Congress haduh mynta kala dep ban pynbna 42 ngut ki kyrtong na ka bynta ki ar tylli ki iing dorbar thawian ki District Council, 16 ngut sha ka iing dorbar jong ka JHADC bad 26 ngut sha ka iing dorbar jong ka KHADC.
