New Delhi, Iaiong 16: Ha ka sienjam kaba kongsan ban kyntiew ïa ka jingïatreilang hapdeng ki ri bad ban kyntiew ïa ka jingbei tyngka ha ka thaiñshatei lam mihngi jong ka ri India, ka tnad Development of North Eastern Region (MDoNER) ka la pynlong ïa ka Ambassadors’ Meet ha New Delhi ha ka 15 tarik u Iaiong, 2025.
Ki Nongmihkhmat. Ki High Commissioner, bad kinongmihkhmatna palat 80 tylli ki ri ki la iashim bynta. Kane ka jingïalang ka long ban pyni ïa ka jinglah jong ka thaiñshateilammihngi bad ban pynskhemïa ka jingïadei hapdeng ki arliangmamlana ka bynta ka roi ka par kaba iaineh.
Ia kane ka jingialang la plieda u Myntri ba dei khmih ia ka Tnad Development of North Eastern Region, u Jyotiraditya M. Scindia, uba la ban jur ia ka jing kongsan jong ka thain, ha ka liang ka ioh ka kot bad ka jingiadei bad kiwei kiwei ki ri.
Ha ka jingai jingkren jong u, u Myntri u la pynpaw ïa ka jingangnud jong ka Sorkar India ban pynkylla ïa ka thaiñShateiLammihngi sha ka jaka pdeng jong ka jingïasoh, ka khaii pateng, bad ka jingsaindurthymmai.
U la ong ruh ba kawei pa kawei na ki 8 tylli ki jylla jong ka thaiñShateiLammihngi ka pyniïa ki bor, ki jingdon jingem bad ki lad ki lynti kiba kyrpang, kaba pynlong ïa kane ka thaiñ kum ka atiarba kordor ha ka khana jong ka jingkiew shaphrang ka India.
Naduh ka jingriewspahha ka kolshor haduh ka jingitynnad jong ka mariang bad ka jaka ba kongsan, ka ThaiñShateiLammihngi ka don ka lad ban long kum kawei na ki jaka ba pawnam ha ka liang ka ioh ka kot jong ka ri.
Ka jingjan jong ka sha ka Southeast Asia ka buh ruh ïa ka thaiñ shateilammihngi kum ka khyrdop sha ki ri South East Asia, kaba ïahap bad ka Act East Policy jong ka India.
U Myntri u la khot sngewbha ia ki ri kiba ïashim bynta ban peit ia ki lad ki lynti ha ka thain shateilammihngi, da kaba pyndonkam ïa ki jngdon jingem ha ka thain bad ka jingtrei kti.
U Myntri Khynnah ka Tnad DoNER, Dr.SukantaMajumdar, ha ka jingai jingkren jong u, u la pynpaw ia ki lad ba bun jong ka thain shateilammihngi. Haba ïasamïa ka jingthmu jong u Myntri Rangbah duh, u la bataikumno ki Jylla ka thaiñShateiLammihngi ki ai ïa ki bynta ba khraw na ka bynta ki lad ban bei tyngka bad ban tei lang ïa ka “Viksit Bharat”.
U la pynpaw ia ki sienjam ban kyntiew ia ki jingdon jingem kiba la jia ha ka thain shateilammihngi hapoh ka jingialam jong u Myntri Rangbahduh ha kine ki 10 snem ba la dep, nalor kiwei kiwei, kynthup ia ka jingpynheh ia ka jingpyniasohia ki liengsuin, surok bad rel, ki jaka shong um bad kiwei kiwei.
U la kren shaphang ka jingban jur u Myntri Rangbah duh ia ka thain shateilammihngi kum ka Asthalakshmi jong ka ri, ka jingdon jingem ba kongsan ha ka ioh ka kot kaba la pynkhreh na ka bynta ka jingkyntiewsted ia ki kam karkhana.
U la ong lyngba ki lad kiba biang ha kylleng ki bynta, ka thaiñShateiLammihngijong ka ri ka pdiang sngewbha ïa ki nongbei tyngka ban peit ia ki lad ki lynti kiba bun jong ka bad ban long shi bynta jong ka jingïaid lynti jong ka sha ka jingkiew shaphrang.
U PemaKhandu, Myntri Rangbah jong ka jylla Arunachal Pradesh, u la kren shaphang ki bor ba kyrpang jong ka thain shateilammihngi kynthup ia ka jylla Arunachal Pradesh.
U Myntri kam bar ri, u S. Jaishankar, lyngba ka khubor video u la pynpaw ba ka thain shateilammihngika la long hakhmat eh ha ki polisi pynroi jong ka ri India. U la kren shaphang ka jingdonkam jong kaKaladan multi-modal transit projek bad ka jinglah jong ka thain shateilammihngi ban long ka khyrdopsha ki iew jong ka South East Asia.
U Secretary, MDoNER, Chanchal Kumar u la ai jingkren kaba bniah halor ki lad ban bei tyngka ha ka thaainshateilammihngibad pynpaw ruh ïa ki lad kiba khlem pat lah ban pyndonkam ha kane ka thaiñ.
U la pynpaw ruh ïa ki lad ki lynti kiba don ha ka thaiñ ha ki kam bapher bapher kum ka IT bad ITES, ka koit ka khiah, ka rep ka riangbad kiwei kiwei, ka pule puthi bad ka jingkyntiewïa ki sap, kam ïalehkai bad ki jingpynbyrngia, ka kam jngohkai pyrthei bad ka kam ai jaka sah, ki jingdon jingem bad ki kam logistic; ki jain, ki jingshna kti bad ka bording.
U la pynpaw lyngba ki lad ki lynti kiba biang ha ki kam bapher bapher, ka thaiñShateiLammihngijong ka ri ka pdiang sngewbha ïa ki nongbei tyngka ban peitïa ki lad ki lynti kiba bunjong ka bad ban long shi bynta jong ka jingïaid lynti jong ka ban kiewshaphrang.
U la pynpaw ba ka MDoNER ka la shimkhia ban ïatreilang bad ki tnat treikam jong ki ri, ki kynhunna kylleng ka pyrthei kiba trei ha ki kam kiba iadei bad ka roi ka par, bad kinongbei tyngka kylleng ka pyrthei ban pynïaidïa ki lad jingïarap bad ka jingstad na ka bnta ki projek ki ban kyntiew ïa ki lad ioh kam, ki jingdon jingem, bad ka bor treikam jong briewha ka thaiñshateilammihngi.
“U Secretary (East), ka tnad kam bar ri u PeriasamyKumaran ha ka jingkren jong u,u la pynpaw ba ka thaiñshateilammihngi ka ïasamïa ki khappud bad ki ri ba marjan kynthup ïa ka Bangladesh, Bhutan, China, Nepal bad Myanmar kaba pynlong ïa ka kum ka jaka ba kongsan bad ka khyrdop sha ka Southeast Asia na ka bynta ka India.”
Namarkata, lah ban kyntiew ia ka thain kum ka nongrim na ka bynta ka jingiadei ha ka liang ka ioh ka kot jong ka India kaba nangroi ym tang bad ka Association of Southeast Asian Nations (ASEAN) hynreiwat bad ki ri ba marjan, kata, ka Bangladesh, Bhutan, bad Nepal.
U la pynpaw ba ka thaiñshateilammihngi ka dei kaba riewspah ha ka deiriti, ki ritidustur bapher bapher, bad ka jingitynnad jong ka mariang. U la pynpaw ba ka Ambassadors Meet ka dei ka rynsan kaba kongsan ban ïashim bynta ha ki jingïakren kiba seisoh.
Ban tei ïa ki jingïatreilang, bad ban khringïa ki jingbei tyngka ki ban kyntiewïa ka roi ka par kaba kynthup lang ïa baroh. Kane ka rynsan ka long ka lad ban wan shakhmat bad wad bniah ia ki lad bapher bapher ba la tyrwa da ka thain shatei lam mihngi.
Ka Ambassadors’ Meet ka dei kawei na ki kam shwa ka jingialang jong North East Investors Summit ka ban pynlong da ka MDoNER ha ka 23 bad 24 tarik Jymmang, 2025.
Kane ka jingialang ka la ioh ia ka jingiashim bynta kaba seisoh bha, ha kaba ki nongmihkhmat ki la pynpaw ia ka jingkwah ban iatreilang bad kito kiba don bynta ha ki kam bapher bapherban peit ia ki lad kiba don ha ki jylla ka thain shateilammihngi – Arunachal Pradesh, Assam, Manipur, Meghalaya, Mizoram, Nagaland, Sikkim, bad Tripura.
Ka jingïalang kam shym la kyntiew tang ïa ka jingïakren kaba don jingmut hynrei ka la buh ruh ïa ka nongrim na ka bynta ki jingïatreilang ha ki por ban wan, kaba kyntiew ïa ka ioh ka kot bad ka roi ka par kaba iaineh ha ka thaiñ.
Ha kane ka jingialang la iadonlang ruh ki heh ophisar jong ka Tnad Development of North Eastern Region badsorkar jylla jong ka thain shateilammihngi.
