Shillong, Iaiong 17: U MLA ka BJP na 19 South Shillong u Bah Sanbor Shullai u la takrain tyngeh ia kito kiba wohdong bad wohnia kiba kynthoh pyrshah ia ka CM impact guidebook bad u la iaroh ruh ia ka sorkar halor ki sienjam ba la shim ban kyntiew ia ka roi ka par.
Katkum ka kyrwoh khubor u Bah Sanbor Shullai u la ai ka jingiaroh ia ka sorkar jylla kaba la pyrshang ban kyntiew ia ka jingpass bha ki samla pule bad ia kane u la ai ka jingiaroh ia u Conrad K Sangma na ka bynta ka CM impact guidebook.
U Bah Shullai u la ong ba kum kine ki sienjam kala iarap ia ki khynnah kiba wan na ki long iing ba duna ha ka ioh ka kot kiba ym lah bor ban leit tution. u la iada da kaba ong ba ki don shibun ki khynnah pule kiba ym kot bor kila ioh jingmyntoi ba khraw lyngba kane ka sienjam bad kala iarap shibun ia ki ban pass ia ki eksamin.
U Bah Shullai u la ong ba ka jingkiew jong ka jingkiew ka percentage jong kiba pass kadei na kane ka sienjam ba la sdang da u myntri rangbah bad u kyrmen skhem ba lyngba kane ka kyrdan pule kan kiew bad ia kaba ngi lah ban poi sha ka thong 100 percent ka literacy rate.
U Bah Shullai u la ong ba na ka bynta ki khynnah kiba wan na ki long iing kiba duna ha ka ioh ka kot ba kin pass hi ia ka exam da la ka jong kan dei ka jingjop ba khraw bad kine ki khynnah ki lah ban thep kam ha ki kyrdan Grade -D post ki kam sorkar bapher bapher jong ka sorkar jylla bad sorkar India bad kumjuh ruh ha ka kam pulit bad ki kam shipai ka sorkar kmie ha kiba pan ia kiba la pass class 10.
U Bah Shullai u la ther tyngeh ruh ia kito kiba wohdong wohnia kiba pyrshang ban ialam bakla halor kane ka mat namar ba ka pule puthi kam dei tang kum ki scholars ne professionals, hynrei ka ban kit jingmut na ka bynta kito kiba trei ha ki kyrdan bapher bapher.
U Bah Shullai u la ong ba hapoh ka sorkar MDA hapoh ka jingialam u Conrad K Sangma kala leh bha bad ai ka jingiaroh ia ka jingpyrshang ka sorkar ban wanrah ia kiba bun ki kam pynroi ha ka liang ka tourism ruh kumjuh.
