Jowai, Nohprah 18: Ka Jaintia Student’s Union semg kmie haka jing buddein ia ki lai tylli ki mat jing dawa ia ki ba la dawa na duh kine ki snem bad ki por ba la dep, la lap ba ka Blood Bank ha Jowai kalong ka ba dang sah teng namar ka jing bym pat ioh ia ka license na ka tnad Drugs and Cosmetics department jong ka sorkar pdeng, wat lada naka liang ka sorkar jylla ka la dep thung ia u Doctor, ki staffs nurse, ki Lab technicians, ki
lab attendance bad kiwei ki wei.
Ha ka jingleit jngoh ia kane ka jaka kynshew snam hynnin ka sngi , ka JSU ka ioh ban ia kynduh ia u Doctor Nongbri I/c Blood Bank haka ba ula ong ban naka liang ka jong u, u la dep ban pynbiang lut baroh ki jing don kam bala pan da ka tnad Drugs and Cosmetics bad kumjuh ruh ki tiar ki tar ki la biang lut naka bynta ban ioh ia kane ka license,Hynrei naka liang u Doctor, um pat lah ban pyntikna pat lano yn ioh iaka license ban ioh sdang iaka Blood Bank.
kum ban shu pynkynmaw ki lai tylli ki mat jingdawa jongka union ki long ban kyntiew kyrdan iaka Jwai Civil Hospital jowai shaka kyrdan kaba kham heh (State level Hospital) da kaba shna thymmai iaka Building kumjuh ban buh iaki tiar ki tar katkum ka juk kaba mynta, iaka blood bank ka jaka kynshew snam ha Jowai bad ban pyntreikam noh
iaka Civil Hospital kaba don ha Ialong.
Na pdeng kine ki lai tylli ki mat jingdawa kiba ka sorkar kala kular ban pynioh ha ka por ba pyllong iaka jingiakhih paidbah jongka Union, ka Sorkar hapoh ka jingialam jongu Dr. Mukul Sangma kum u Chief Minister bad u bah A.L Hek kum u Minister I/c iaka tnad ka koid ka dang pyntreikam tang artylli kata ban pyntreikam iaka Ialong Civil Hospital kaba la treikam naduh u Bnai August mynta u snem bad ka jingpynpra iaka Civil Hospital kaba don ha Jowai ka ba dang iaid mynta katba iaka blood Bank lane ka jaka kynshew snam pat ki la leh klet khlem da shimkhia satia ban pynbor iaka sorkar Kmie ban ai iaka Lisence wat ha dien ba ki tiar ki tar bad ki nongtrei kila biang.
Kumta ha dien ka jingiaishah kaba la jan saw bnai kynthih mynta ka kynti na ka liang ka JSU ka pynpaw ba kane ka mat dawa (Blood Bank) ka dei kaba donkam kyrkieh eh haduh katta katta bad kum ka Union hi kam lah shuh ban dang iai ap bad dang iaishah iaka jingiatyngkhuh mawsiang jongki nongthiah paw kahmtam kito kiba donkam iaka jingiarap daka snam haka khylliap mat kabynpoi pyrkhat. Bad ngim kwah shuh ban iohi iaka jingduh jongki mynsiem ba kordor ki jong ngi tang namar ba ym don ka Blood Bank. Ong u Finance Secretary JSU Samla H. Symblai.
Ha ka juh ka porn a ka liang ka JSU kala krenshai ruh ban kam kwah satia ban iohi tang iaka jingpynpynpra iaka Civil Hospital Jowai hynrei ban plie syndon ia u maw nongrim ban shna thymmai noh shen. Kumta na ka liang ka Union hadien ka jingiai buddien bad ka jingiaishah mynta ka kynti kala maham iaka sorkar ba lada ymlah ban pynioh iaka Lisence iaka Blood Bank ha Jowai ka Union ka long kaba la pynkhreh ban sdang biang iaka prokram iakhih tang shu wan u snem thymmai 2014.(SP News)
