Shillong, Jymmang 31: Ki paidbah nongshong shnong ka shnong Nongpoh kaba dei ka nongbah jong ka Ri Bhoi District kila don kam ia ka jingkieng iaid kjat ban iaid na shiliang sha shiliang ka surok bah ha Nongpoh.
Bun na ki paidbah kila pynpaw ia ka jingsngew diaw ban iohi ba NHIDCL bad ka tnad shna surok ka sorkar jylla kim shym la shim khia ban don ka wei ka jingkieng iaid kjat ha surok bah ban iaid ki paibah ban iada na ki jingmynsaw.
Haba u SP News Agency u la ioh ban ia kren bad katto katne ki briew kila pynpaw ba ha Station Nongpoh la don kam ban don ia ka jingkieng iaid kjat, ban suk ban iaid na shiliang sha shiliang jong ka surok bah.
Ka long kaba shitom shisha ia ki briew ban iaid na shiliang sha shiliang namar ka dei ka surok bah Shillong Guwahati ka jingbun kali ka buh ka jingeh kaba khraw ia ki briew naduh ki ranbah haduh ki khynnah.
Ki ban bun ki pynsngew ba ka sorkar kala dei ban shim khia ia kane ka bynta ban shna ia ka jingkieng iaid kjat ban iada na ki jingjia kiba sngewsih ha ki bor kiban dang namar namar haba iaid na ka surok kan long ka jingma ia kiba leit ba wan namar kadei ka surok bah.
