Shillong, Nohprah 20: Ka myntri kam poh iing jong ka jylla ka kong Roshan Warjri mynta ka sngi ha ka jingpynlait khubor ka la ong bad kyntu ia ki paidbah ba kim dei ban sngap ia ka jingkhot pakhang shnong jong kawei ka seng beain kaba la pynmih ha ki kot khubor mynta ka sngi.
Na ka liang jong ka myntri kala ong ba kane ka jingleh jong kane ka seng beain ka long ba ka dei ka jingbym don ia ka jingsngew ia ki paidbah ha kum kane ka por leh kmen bad kane ka dei tang ka jingpyrshang ban wan rah ia ka jingshong syier ha ka jylla ha kane ka por leh kmen.
Na ka liang jong ka sorkar kala long kaba la pynkhreh ban ia khun pyrshah ia kiba leh pyrshah kiba kwah ban wanrah ia ka jingbym shong suk shong sain ha kane ka jylla. Ia kum kine ki jingleh na ka liang jong ka sorkar kan nym lah ban shah bad kibor jong ka ain ki leh da kaba tyngeh.
Na ka liang jong ka sorkar ka khot ka wer ia ki paidbah ban nym shah skhor ia kum kine ki jignkhot pakhang shnong. To yn ia rakhe ia kane ka khristmas bad ia ka snem thymmai ba suk ba kmen da mynsiem jong ka jingieit bad ka jingkmen.(SP News)
