Shillong, Nohprah 22: Sa tang ar sngi ki paidbah jong kane ka jylla Meghalaya kin sa rakhe ia ka Khristmas, bad la niew ruh ia kane ka jylla kum ka jylla jong ki niam Christan, hynrei ki paidbah jogn kane ka jylla kila duh ia u shini ba ki juh ioh ha ka por Khristmas kaba ki juh ioh man u snem.
Ka tand sam ban jong ka sorkar ka dang khot tender ban thied shini ha ka 6 tarik jong u bnai ba la dep bad ia ki tender ka dang plie ha ka 11 tarik mynta u bnai hynrei ka sorkar kam pat lah ban ai iano ban shallan shini sha kane ka jylla haduh mynta.
Ha dien ba ka sorkar pdeng ka la pynlait paidbah ia u shini ban die ha ki iew ki hat la bhah ia ki sorkar pdeng ba kin thied hi ia u shini na ki jaka pynmih shini bad sam ha ka dor sorkar bad ia ka bai lut yn bei da ka sorkar pdeng katkum ka dor kaba la buh.
Kaba sniew bok ka long ba ka jylla Meghalaya kam dei ka jylla ba pynmih shini ka hap ban thied na kiwei ki jylla ha ka dor kaba heh bad ban sam sha ki paidbah ia kaba ka sorkar haduh mynta kam pat lah ban leh.(SP News)
