Shillong, Naitung 01: ka myntri ka koit ka khiah ka jylla ka Dr. M Ampareen Lyngdoh kala leit ban jurip ia ka Ayush Hospital ha Sohra ha ka jingdon lang u MLA ka jaka u bah Gavin Miguel Mylliem, u MDC u bah Titosstarwell Chyne.
Ka jingleit ban jurip ka myntri ia kane ka jaka ai jingsumar ka long shuwa ba yn plie ia kane ka jaka ai jingsumar ban peit la kala biang ne em ban plienoh ia kane ka Ayush Hospital ha katei ka jaka kaba la dep ban shna mynta.
Ha kane ka jingleit jurip ka myntri kala pynpaw ia ka jingsngewkmen ba ia ka jaka ai dawai na ka bynta kiban wan shim dawai kin sa pyntrei kam noh shen na ka bynta ka jingbit jingbiang jong ki paidbah ka thain.
Kane ka jaka sumar kan long ba ha kane ka jaka kan don ka jingsumar tynrai ia kiba la juh tip kum ka jingsumar khasi, ha kane ka jingleit jurip la don lang ruh ki ophisar na ka tnad ka koit ka khiah kiba la don lang ha kane ka sngi.
