Shillong, Nohprah 14: Ka jingleitkai jong ki briew sha Nongmahir ha Ri Bhoi District kaba don sha rum jong ka Zero Point kala dang kiew katba dang mih ki sngi, ka jingpoi jong ki briew kam dei tang kane ka jylla hynrei ka long na bar ka jylla ruh kumjuh la iathuh u wei na ki samla ha ka 13 Tarik Nohprah 2025 ba don la jong ka lieng u bala trei ia kane kam niah lieng mynta la san snem.
Kane ka jaka jngoh kai ka khampher na kiwei ki jaka ban poi sha ki jaka shongkai pyngat hap ban leit da ki lieng, kaba ki don ki trai shnong kiba kit ia ki nongleit nongwan, ka bai lieng ha ka por duna um ki shim 200 tyngka marwei namar kala hap bna iaid haduh 40 minit ei ei katba ha ka por ba dap ka um ka bai shonglieng ka long tang 50 tyngka marwei namar ki hap ban iaid tang kum 15 minit ei ei ban poi sha ki jaka shongkai, ia mynta kiba niah lieng ki don kumba 20 ngut ei ei.
Katba ka sorkar kala buh iaka kam jngohkai pyrthei kum kawei na ki lat ai kam ia ki samla kane ka jylla, hynrei ia katei ka jaka jngohkai kaba paw bha mynta ha Ri Bhoi District, ka jingkyntiew ia kane ka jaka dei ki riew shimet, lada ka sorkar kan iarap ia ki trai ba niah liang ia ki Life Saving Jacket kan long ka jingshngian ia kiba leit ba wan namar kum ba ka long mynta kim don ia kitei ki jaket.
