Shillong, Nohprah 14: Ka jingduh ka um shyngier ha khlaw sorkar kaba don ha shnong Mawlai Phudmawri kala long mynta antad kumba 12 snem ei ei bad kane ka jingduh ka um ha ka por bala rang kyrthong ka suin bneng ka dei na ka jingpynkhih ia ka tyllong um da ka jinghmu ban tan ia ka um
Haba u SP News Agency u la leit sha katei ka jaka ba don ka umshyngiar la ioh ban ia kren bad ki briew kiba sait jain ha ka 12 Tartik Nohprah 2025, kila pynsngew ba kane ka um shyngiar ka duh jyndam naduh ba ktah ia ka tyllong um da kaba buh ia paidum la palat phew snem mynta.
La iathuh ba shuwa ban ktah ia katei ka tyllong um la iathuh ba hooid ha ka por tlang ka rit ka um, ha baroh ar tylli ki shyngiar kawei ka don ha neng bad kawei ka don sharum hynrei kim juh duh kyndam, hynrei mynta la 12 snem ei ei tang poi u bnai Rymphang kala duh bad kan sa mih biang da la dei ka por slap ha bnai Jymmang lane u bnai Jylliew.
Kane ka um shyngiar kala iarap shibun ia ki paidbah nongshong shnong ka Phudmawri namar ki tong umdih, ki sait jain ha kane ka jaka naduh mynta shuwa bad kane ka jingduh ka um ha ka por rang tyrkhong ka pynlyngoh namar ki don ha poh khlaw sorkar.
