Shillong, Nohprah 20: Ka sorkar Meghalaya mynta u bnai Nohprah kala pynlait pisa haduh T.1602.90 klur ban siew ia ki 50000 ngut ki nongtrei sorkar, 30000 ngut kiba ioh pension, kiba trei sngi ha ki ophis sorkar.
Katkum ka jingkhien kaba la pynlait na ka tnad pla pisa, kala kren shai ba ia ka tulop ki nongtrei sorkar la pynlait T.348.1 klur tyngka, na ka bynta ka pension la pynlait T.93.4 klur tyngka, kiba trei sngi la pynlait T.9.7 klur tyngka bad ia kiba tri shipor la pynlait T.4.1 klur tyngka.
Ha kane ka snem mang tyngka 2025-2026 ka sorkar kala pynlait ka pisa T.255.5 klur tyngka sha kilai tylli ki District Council ba kin siew tulop ia ki nongtrei kiba dang sah ka tulop jong ki katto katne bnai.
Ka jingpynlait pisa na ka bynta ki kontraktor ki long ha ki 53 tylli ki jingtrei kiba heh ka long T.416.1 klur tyngka bad ia ki jingtrei kiba kham rit ki don 57 tylli ka jingpynlait pisa ka long T.154.7 klur tyngka.
Ki tnad sorkar kiba kham ha khmat eh kiba la ioh ia ka pisa ban siew sha ki kontraktor ki long ka PWD ka ioh, T.256.4 klur tyngka, Tnad pynroi sor ka ioh T.102.5 klur tyngka, ka tnad sam um ka ioh 68.6 klur tyngka, ka tnad ialehkai ka ioh T.60 klur tyngka, ka tnad bor ding ka ioh T.60 klur tyngka.
Ka tnad ka koit ka khiah ka ioh T.14 klur tyngka, ka tnad ba peit ia ka jingpyniaid kam dorbar ka ioh T.12 klur tyngka, ka tnad pynneh ia ki um ki wah ka ioh 8.2 klur tyngka, ka Tnad jngohkai pyrthei ka ioh T.7.9 klur tyngka, ka tnad shna iing ka ioh T.3.2 klur tyngka, ka tnad ka kit ka bah ka ioh T.2.5 klur tyngka, ka tnad rep ka ioh 1.3 klur tyngka.
Ka jingpynlait pisa ha kane ka snem mang tyngka 2025-2026 sha ki tnad sorkar kiba la niew kum ki tnad sorkar kiba heh, ka tnad pynroi nongkyndong ka ioh T.102.9 klur tyngka, tnad bor ding T.101.2 klur tyngka, District Council Affair T.101.0 klur tyngka.
Ka tnad Planing ka ioh T.80.9 klur tyngka, ka tnad rep ka ioh T.69.5 klur tyngka, ka tnad ka koit ka khiah ka ioh T.62.2 klur tyngka, ka tnad pla pisa ka ioh T.58.4 klur tyngka, ka tnad pule puthi ka ioh T.35.0 klur tyngka, ka tnad kam poh iing ka ioh T.29.5 klur tyngka, ka tnad ialehkai ka ioh T.12.6 klur tyngka, ka tnad ri jingri ka ioh 10.8 klur tyngka.
Ia ki skhim jong ka sorkar jylla kiba la pyntrei kam la pynlait pisa T.23 klur tyngka bad kane kala pynmyntoi ia ki 92,051 ngut lyngba ka skhim FOCUS+, ka tnad pla pisa ka sorkar jylla haduh mynta u bnai nohprah kala pynlait pisa baroh kala kot sha ka T.1602.9 klur tyngka kane kala jingpynlait pisa kala kham kiew da 30.8% ban ia jong u snem 2025.
