Shillong, Nohprah 20: Ban ai mynsiem ia ki samla pule kiba la pass bha ha ka Secondary School Leaving Certificate mynta ka sngi ka 20 Tarik Nohprah 2025 ka seng Hindu welfare Society Nongpoh, Ri Bhoi District kala pynkup burom ia ki 26 ngut ki samla kiba la wan sha khmat ha ka eksamin ka jong ki mynta u snem bala pynlong da ka Meghalaya Board of School Education.
Ia kane ka jingpynkup burom ia kine ki samla pule la pynlong ha ka Iingdorbar jong ka dorbar shnong Nongpoh ha kaba u bah Mayralborn Syiem MLA kane ka jaka u la ia don lang kum u kongsan, ha ka jingkren u la ong ba ka long kaba don kam kum ki samla pule ban pynkhreh ia lade ban long ki briew kiba bha ha ki sngi ban dang wan.
Ha kane ka juk jong ka jingkylla ha ki snem 1970 haduh 1980 ki samla pule ha Meghalaya kiba ioh 50% kila ioh ban leit pule doctor ha kito ki por namar kam don katta ka jingiakop, hynrei mynta lada phi ioh 90% ne 95% don ki khep ba tm ioh ban leit pule doctor na ka bhah sorkar.
La ong ba mynta ka por kala kylla sted ha kaba phin nym lah ban ong ba ngan saleh lashai, la ong ba ngi im ha ka juk ba tang kiba tbit ki lah ban ialeh namar ka jingiakop kala jur bha ha baroh ki liang, ka jingiadon hangne mynta dei na ka jingtrei shitom ba phi la poi sha kathong.
Ha kane ka sngi la don lang u Unteshwar Singh President, u M.Singh Secretary jong ka Hindu Welfare Society Nongpoh, lem bad ki samla pule kiba la shah pynkup burom bad kiwei kiwei de ha kane ka sngi ka seng kala ot ruh ia u Kake ban ia rakhe jingiaka jinglehkmen Khristmas.
