Shillong, Nohprah 22: Ha dien san snem ka jingiapyrshang mynta ka sngi u bah Adelbert Nongrum MLA u la plie paidbah ia u mot pynitynnad ha lai lad ha shnong Lawmali ha ka jingialang kaba la pynlong mynta ka sngi ka 22 Tarik Nohprah 2025 ha ka jingiadon lang ki paidbah nongshong shnong ban ia sakhi lang ia kane ka sngi.
Haba kren kum u kongsan u bah Adelbert u ba dei u MLA jong kane ka jaka u la ong ba ka jingiashah ka pynduh noh hynrei shisien ba ianeh kaei ka bym ioh ka shong tang katno lah ban iaineh, u la ong ba kane ka jingpyrshang ka long naduh u snem 2021.
Ha kane ka sngi u MLA ka 17-North Shillong u la ong ba ym dei ban sngew salia ne lehrain ban ia burom ia kiba dei hok ban ioh, Ka jingkhublei ka leit sha u myntri ka PWD ba dei symbut myntri rangbah ka jylla u bah Prestone Tynsong bad ka tnad hi baroh kawei kumjuh ia ki kontraktor ruh bad u ngeit skhem ba kane ka sorkar kaba mynta kan kham peit ia ki kontraktor ha ka jylla hi baroh kawei namar ki trei shuwa bad ka jingsiew ka wan sha dien.
Ha kane ka sngi kum u MLA u la kren diaw ba ka burom ka akor kala nang hiar arsut bad u la kyntu ia ki kmie ki kpa ba kin long kiba peitngor ban nym dei ban tieng ban sneng iala ki khun ki kti ban kren ia ka hok bad ka jingshisha ba kin nym kren tang ia kaba bha hynrei kin kren ruh ia kaba dei.
Kiwei kiba la kren ha kane ka sngi ki long u rangbah shnong u bah Bhalang Khongwir, bad kiwei ki riew rangbah kiba la ia don lang, ha kane ka sngi ki long kmie ki long kpa bad ki samla jong ka shnong kila don lang ban sakhi ia kane ka sngi ba plie u mawmot ban pynitynnad ia ka shnong ha Lai Lad Lawmali.
