Shillong, Nohprah 23: Dang shen ki pulit ka West Jaintia Hills District katba ki dang talasi ia ki kali kiba wan na khappud Bangladesh ha Amlarem ia kawei ka kali ha ka por 12.30 baje shiteng synia kaba don ia u number ML-04D-9309 kaba la niah da u Chemphang Rasmut 43 snem ka rta.
Kane ka jingtalasi kala long ha iew Amlarem ha kane ka kali la shong saw ngut ki briew bad haba la tohkit la shem ba kid ei ki khar Bangladesh, ka kyrteng jong ki saw ngut ki long u Saidul Sheik 27 snem, u Lemon Shutdar 24 snem, Rison Hussain 18 snem bad u Rubel Sheik 27 snem.
Haba ki pulit kila tohkit bad kylli ia kine ki briew kila rung beain sha India na Bangladesh bad ka jingmut jong ki ka long ban leit sha Assam khlem da don ia ki kot ki sla ki biang, haba ia dei bad kane ki pulit kila kem ia kitei ki briew kyntup ia u nongniah ia ka kali ban tohkit bniah katkum ki kyndon ain.
