Shillong, Nohprah 26: Ki nongialam jong ka seng HNYF ka Ri Bhoi District ha ka 24/12/2025 kila leit ban ia kynduh ia u ophisar ba dei peit ia ka Diengpasoh Policse Station ban bud dien halor ka jingkhlad u bah Shamping Mangu na ka shnong Tyrso Ri Bhoi District.
Ha kane ka jingleit ki dkhot jong ka seng HNYF, kiba ha iing ha sem kila ia kynduh ia u OC ba dei peit ia ka Diengpasoh ban ia kren halor ka jingkhlang u tei u rangbah ha ka 20/12/2025 na ka daw jong ka jingshah shoh ha ki briew kiba ym lah ban tip ha surok bah Fourlane kaba ym pat plie ban iaid paidbah.
Ha kane ka jingia kynduh na ka liang jong u OC la iathuh ia kaei kaba ki pulit kila leh ha kaba ia dei bad kane ka jingjia ha dien ba kila ioh da ka jingujor ha ka 23/12/2025 na kiba ha iing hapoh katei ka police Station.
Ban pyrshah ia kane ka jingjia kaba sngewsih mynta ka sngi ka shnong Tyrso kala pynlong ia ka jingiaid paidbah ban dawa na ki bor jong ka ain ban kem ia kiba don kti ha kane ka kam pyniap briew.
