Shillong, Nohprah 31: Ki pulit jong ka East Jiantia Hills district kila pyntip ba ha ka 29/12/2025 kila ioh ia ka jingpyntip na u bah Riburom Paslien ba la lap ia kawei ka met iap ha sem masi ha ka shnong Laka sein kaba hap ha jingpeit ka Pohbhang Border Out Post.
Halor kane ka jingpyntip na ka liang jong u bah Deep Khatri Inspector bad ka kynhun pulit kila leit sha katei ka jaka, bad la shem ba ka met iap kaba la thiah lyngktar ka dei ha sem masi jong u bah Riburom Paslien.
Kumba ka long ki trai shnong kim ithuh ia u ba iap, na ka liang jong ki pulit kila pyndep ia ka kam katkum ka ain haba la pyndep la rah noh ia ka met jong u sha Khliehriat Civil Hospital East Jaintia Hillls District.
Na ka liang jong ki pulit kila kyntu ia ki paidbah ba la da don mano mano ka ithuh kin sngewbha ban phone sha ki pulit ha kine ki number 9436100012 / 9856693490 ba kin ioh ban pyndep ia kiba don kam.
