Shillong, Nohprah 31: Baroh ki seng sain pyrthei ha Garo Hills kila pynkhreh ban ia khun ia ka MDC elelction sha ka iing dorbar jong ka Garo Hills Autonomous District Council (GHADC) ka ban sa long ha u snem 2026, ka long ban long haba kut u bnai Lber ne sdang u bnai Iaiong.
Ki lad khubor kiba la ioh la iathuh ba ia ka election sha GHADC yn sa pynlong ha dien ki eksamin jong ka Meghalaya Board of School education (MBOSE) kata ka eksam Higher Secondary School Leaving Certificate (HSSLC) bad ka Secondary School Leaving Certificate (SSLC) kine ki eksam kin sdang ha ka 30/01/2026.
Katkum ki khubor kiba la ioh la ong ba ka NPP kan kham don sha khmat wat la ki don ki kynrum kynram hapoh ka party hynrei kan nym ktah ia ka elekshon MDC, ka Congress ka dang ialeh ban trei, ka GNC kala pynkhreh ia lade, ka BJP ruh kala pynkhreh ban ia khun ia ka MDC ha GHADC.
Wat la ka elekshon kala jan na ka liang jong ka TMC haduh mytna kam pat kren ei ei la kan ia shim bynta ne em ha kane ka MDC election sha ka iing dorbar jong ka GHADC namar ka don saw ngut ki MLA ha ka iing dorkbar thawain ka jylla na ri lum Garo.
