Shillong, Kyllalyngkot 06: La pyntipsha ki nongshong shnong ba ka Tnad Telecommunications (DoT), Sorkar India ka la shnabad pyntreikam ïa ka rynsan Central Equipment Identity Register (CEIR). Ka rynsan CEIR ka pynsukia ki nongshong shnong ban pyntip ia ki mobile phone kiba la jah ne shah tuh, ban iarap ha kaba buddien bad ban ioh biang ia ki, bad iarap ban iada na ka jingpyndonkambakla ia kum kine ki tiar, da kaba kyntiew ia ka jingshngain jong ki paidbah.
Naduh ba la pyntreikam ïa ka CEIR ha ka Jylla Meghalaya, bun ki nongpyndonkam ki la rejisterïa ki jingujor lyngba ka rynsan ban khang, ban wad, bad ban ïoh biang ïa ki mobile phone jong ki. Haduh ka 06.01.26, baroh ki don 5914 tylli ki mobile phone kiba la ioh jingtip ba ki la jah ne shah tuh ha ka rynsan CEIR ha Meghalaya. Na kine, haduh mynta, la lah ban wad bad lap biang ia 1662 tylli ki mobile, kaba pyni ia ka jingkiew ka jingtreikam jong ka rynsan bad kyntiew ia ka jingiatreilang hapdeng kito kiba don bynta ha kane ka kam.
Ka rynsan CEIR ka ailadia ki nongshong shnong ban:
- Block ia ki mobile ba la jah lane shah tuh, ban iada na ka jingpyndonkambakla
- Buddien bad ioh biang ia ki tiar shisien ba ki paw biang ha kinokino ki network telecom.
- Unblock ia ki tiar ba la ioh biang khlem jingeh lyngba kajuh ka rynsan
Ka jingjop jong ka CEIR ha Meghalaya ka long kaba ai mynsiem shibun lyngba ka jingiatreilang kaba tyngeh jong ki Telecom Service Provider (TSP), ki bor Pulit ka Jylla, bad ka jingkiew ka jingpynsngewthuh paidbahshaphang ki jingshakri digital ba la ai da ka Tnad Telecommunications.
Ka rukom treikam jong ka CEIR kam ïada tang ïa ki jingmyntoi jong ki nongpyndonkamhynrei ka don ruh ka bynta kaba kongsan ha kaba tehlakamïaki kam cyber beainba ïadei bad ki mobile,ban khang lad ïa ka jingkhaii be-aiñïa ki mobile, bad ban kyntiewïa ka jingshngain jong ka ri ha kam digital.
La kyrpad ïa ki nongshong shnong ban pyntip kloi lada jia ba jah ne shah tuh ka mobile jong ki lyngba ka portal CEIR kaba don ha https://www.ceir.gov.in.
Ka Tnad Telecommunications ka dang ïai bteng ban pynïarïa ki jingshakri digital na ka bynta ki paidnahbad ban pynthikna ïa ka jinglong jingman kaba shngain ha kaba iadei bad ka kam telecom na ka bynta baroh ki nongshong shnong.
