New Delhi, Kyllalyngkot 08: Ka kynhun tohkit ka sorkar pdeng ka Central Bureau of Investigation (CBI) da ka jingiatreilang bad ka tnad kam bar ri bad tand kam poh iing la lah ban ioh kem na USA bad la wan rah sha India ia u Aman bala tip ruh kum u Aman Kumar bad Aman Bhainswal ha ka 7/01/2026.
Ia u ne u briew la kwah ban kem da ki pulit jong ka jylla Haryana ha ki kam pyntriem kiba sherkhei bha, kaba kyntup ia ki kam pyniap briew, ki jingpyniashrut jaidbynriew bad ki kam ia sylla ban leh ia ki kam sniew bad u dei u dkhot jong ka kynhun ki riew dakaid bala tip kum ka “Lawrence Bishnoi”.
Ia une u briew la kem ha India bad ha dien la pynlait ia u halor ka jingbah jamin, une u briew u khlem shah bihsar bad ha dien katta u la shu jah noh na Ri India, halor ka jingkyrpad ki pulit Haryana ka BCI kala pyntyntip sha ka Interpol bad la shem ba u don ha USA.
Haba la kem na katei ka ri ha ka 6/01/2025 la wan rah noh sha India bad ki pulit jong ka Haryana kila wan shim ia u na kad lieng suin ha Delhi, ka pyntip sha kylleng ki tnad tohkit ka pyrthei ban thwet ia u tei u bala phet rieh.
Ha kine ki khyndiat snem ka CBI kala ioh ban kem bad wanrah sha India ia ki reiw runar haduh 150 ngut da ka jingiatreilang bad ka Interpol.
