Shillong, Kyllalyngkot 09: ka North Eastern Council ha u bnai Nohprah kala pynlait pisa T. 13,45,38,500/- tyngka sha ka sorkar Meghalaya na ka bynta ki skhim bapher bapher ha East Khasi Hills District.
Katei ka pisa ka long ban pyntrei na ka bynta kiba bun ki skhim, ban pynwandur thymmai ia ki pipe um, ban shna ia ki jaka pyntuid um ha ki san tylli ki jaka, ki kalai kit niut, ki jaka bret niut, ban buh ia ki light bad ban dro dur badn pynitynnad ia ki dukan ba don harud surok ha Iewduh.
Kiwei ki jingtei ki long ban shna ia ka jaka jngohkai ha Laitlyngkot ha Lamlyer ha EKH District, ban shna ia ka iing seng khai ha Lum Shat Sngi, Kenches Trace, Shillong jong ka Raid Laban.
Na katei ka pisa la mang ruh ban shna ia ka iew kaba saw mala ha Iewdak ha Laban kaba dei kawei jong ka Shillong Municipal Board ban die ia ki jhur ki jhepm ki soh ki pai, ki tiar shna kti, ka doh sniang ha katei ka jaka.
Ha ka juh ka por ban shna ruh ia ki iing skul jong ka Ramakrishna Mission ha ka shnong Laidiengsai, Mawrah, Laitryngew, Wahlong, Pynursla, Pomsohmen bad Nongkynrih, ia katei ka pisa la pynlait ha u bnai Nohprah.
