Shillong, Kyllalyngkot 11: U Dr. Mukul Sangma nongialam ka liang pyrshah ha iing dorbar thawain ka jylla u la ong ba ia ka skhim MLA kaba la tip kum ka Special Rural Work Programme (SRWP) ki khlem pat ai sha ki MLA haduh mynta, u la ong ba u khlem ioh ia kano kano ka shithi ban ong ba u phah ia ki skhim u la kylli ruh wat para MLA ia kane.
Haba kren ha ki lat pathai khunor ha ka 10/ Kyllalyngkot/2026 ha Shillong Press club la ong ba kam pat juh jia ha ka khanapateng ka jylla Meghalaya naduh bala sdang ia kane ka skhim ha ka por jong jong u bah B B Lyngdoh myntri rangbah ka jylla bam kwai ha dwar u blei.
U Dr Mukul u ba dei ruh u myntri rangbah ba rim ka jylla u la ong ba ha dien ba ka iing dorbar kala pdiang ia ka mang tyngka, ki tnad sorkar kiba dei kin pyntip sha ki nongmihkhmat bad halor katta ka shithi kin pynkhreh ia ki skhim bad ki phah sha ka sorkar hynrei kane ka sorkar kam shym la leh kumta.
Ia ka jingialang ba ia dei bad ka MLA skhim ka sorkar ka dang shong jingialang ha ka 15/Nohprah/2025 bad phah ia ka shithi sha Director ka tnad pynroi nongkyndong bad Director un phah sha ki DC bad ki DC kin phah sha ki MLA ban pynkhreh ia ki skhim shaei kan don por namar 19 tarik/Nohprah/2025 ki ophis la khang.
La ong ba ha ka por jinglong myntri rangbah ka jong u la sdang ia ka kawei ka skhim ha kaba la buh ia ka pisa ha ki ophis jong ki Deputy Commissioner kum shongknor bad District Sport Officer kumSecretary ha kaba ki samla kim don kam leit sha ophis jong u Director ban pan tiarlehkai ki leit sha DC ophis kala biang ia kane ka skhim la tip kun ka District Sport Management Society.
