Shillong, Kyllalyngkot 15: Ka ophis jong ka Meghalaya State Pollution Control Board kam don ha Tura bad kane ka buh jingeh ia ki paidbah kiba kwah ban apply laisen ban tih maw bad na ka liang ka sorkar ka iarap lem ban pynioh laisen , kumba ka long mynta ki don kiba la ioh laisen ban tih maw.
Haba kren ha ki lat pathai khubor mynta ka sngi ka 15 tarik Kyllalyngkot 2026 la ong ha ba ki ioh kano kano ka jingujor na ka liang jong ki pulit ki leit ban khang bad ha ka juh ka por ka sorkar ka iarap ia kito ki briew lada ki lah ban apply ia ki laisen katba ym pat ioh laisen ki par maw jong ki yn khang.
La ong ban apply ia ka laisen ban ioh tihmaw ka iatyngkhuh kumba hynriew lane hynniew tylli ki tnad sorkar bad kawei na kita ka dei ka ophis jong ka Meghalaya State Pollution Control Board kaba kane ka ophis kam don ha Garo Hills.
Haba ia dei bad jingjia ha Goalgaon kaba la wanrah ia ka jingjia kaba sngewsih na ka liang jong u myntri rangbah la ong bala thung ia ka kynhun tohkit haba ia dei bad katei ka jingjia kaba ia ka kaiphot ym pat ioh ynda la ioh ia ka kaiphot un salah ban ong.
