Shillong, Kyllalyngkot 19: U bah Sanbor Shullai mynta kabinet ha ka sorkar Meghalaya bad ki nongialam ka party kila leit ban ia kynduh ia u myntri ka sorkar pdeng u Nitin Gadkari ha kaba ia dei bad ka jingslem ka surok four lane ha Upper Shillong.
Ha kane ka jingiakynduh na ka liang jong u bah Sanbor u la kyrpad ia u myntri ka sorkar pdeng ba peit ia ki kam shna surok ban ai pisa ban shna ia ka surok na jrong na Barik sha Jhalupara ban pynduna ia ka jingkhap ngiah kali ha kaneka nongbah Shillong.
Kane ka surok four lane ka dei na Umsherpi sha Sadew kaba la suki ka jingtrei, Ha kane ka jingkynduh la ia kren ruh ia ka jingbymbiang ki nala ha ki jaka jong ka Cantonment kiba ka NHIDCL kam shym leh ei ei haduh mynta.
Ha kane ka jingiakynduh na ka liang jong u myntri ka sorkar pdeng la ong ba uns a peit ia kaba don kam bad ha ka juh ka por u la ai jingmut ban thaw ia ka ‘Infrastructure development committee’ ban pyndep kloi ia ka surok ban iaid na jrong na ka liang jong u bah Sanbor u la ai khublei ia u myntri ka sorkar pdeng ba peit ia ki kam shna surok.
