Baridua, Kyllalyngkot 20: Ka jingleh niam shad Sohjer kaba lai sngi jong ka Raid Marwet kaba juh long man la u snem mynta u snem kaba la sdang ha ka 17 Tarik Kyllalyngkot 2026 kala kit ha ka 19 tarik Kyllalyngkot 2026 ha ryngkat ka niam ka rukom, kane ka long ban pynneh pynsah iala ka jong ka riti ka dustur kaba kila ioh pateng naduh u long shuwa man shuwa.
Ha ka sngi pynkut ia ka shad Sohjer ha ryngkat ka knia ka khriam la ia shim bynta lang da u Syiem ka Raid Marwet haka jingiadonlang u Basan Nongumlong na ka Hima Mylliem bad ki longsan ki mansan jong ka Raid Marwet baroh kawei.
U Syiem ka Raid Marwet u Pa,im Ken Syiem u la ong ba kum kane ka tamasa ka long kaba don kam bha ha kane ka thain 9mer Baridua Ri Bhoi District ban pynneh pynsah iaka riti ka dustur khnang ba kane ka thain ba don ha syndah jong ka jylla Assam kan pyn riewspah iaka Kalture jong ki Khasi kiba sah hakane ka thain.
U Pa,im ka Raid Marwet u la pynsngewthuh ia kane ka shad Sohjer bad ka don ar bynta, kawei ka dei ka jingbam shi ing shi sem bad kawei ka dei ka jingialum paidbah. Ha kine ki lai sngi ki briew na ka raid kila ia wan ban ia shim bynta ban pyni iala ka shad tynrai bad la pynkut da ka niam ka rukom.
