Shillong, Kyllalyngkot 21: Mynta ka sngi ka kynhun jong ka BJP na Meghalaya ha ka jingialam jong u bah Sanbor Shullai myntri ka sorkar Meghalaya la ia kynduh ia u myntri karbar ri u Rajnath Sing ha Nongbah Delhi.
Ha kane ka jingiakynduh na ka liang jong u bah Sanbor la kyntu ia u myntri korbar ri ban pynkloi ban pynkynriah na Them Iewmawlong sha jaka jong ka Cantonment ia ki rit paid Dalit Sikh.
U bah Sanbor ba mih khmat ia ka Shillong Cantonment Board u la batai ha khmat u myntri korbar ri ka jinglong kane ka jaka bad u kwah ban ka sorkar pdeng kan pynloi ban weng ia kane ka jingeh ban weng da ka jingiasngewthuh jingmut.
Ha kane ka jingiakynduh la kyntu ban pyntrei kam ia ka building bye-laws kaba dei ka ain shna iing ha ki jaka jong ka Cantonment bad ha ka juh ka por la kyrpad ban pynkloi ban ai ia ka jaka shipai ban shna ia ka surok na jrong.
Ha kane ka jingiakynduh u myntri ka sorkar pdeng u la shah skhor ia ka jingkren bad u la ai ka jingkular ba yn sa peit bniah ia kane ka jingkwah bad ban ia kren bad kiwei ki bor ruh, na ka liang u bah Sanbor la ong ba kin sa kynduh biang ia u myntri korbar ri halor kitei ki mat.
