New Delhi, Kyllalyngkot 23: Ha ki sienjam ba la shim na ka bynta ban kyntiew ïa ka jingsngew skhem jong ki nongtrei kiba dang trei bad kumjuh ruh ban pynthikna ïa ka jingshngain ha ka imlang sahlang jong ki nongïoh bai bam tymmen ha ka kam pisa tyngka.
Ka Sorkar Pdeng ka la mynjur ïa ka jingpynkyllaïa ka bai bylla sngi na ka bynta ki Public Sector General Insurance company (PSGIC) bad ka National Bank for Agriculture and Rural Development (NABARD). Nalor kata, ka la mynjur ïa ka jingpynkylla ïa ka bai bam tymmen na ka bynta kito kiba la shongthait jong ka Reserve Bank of India (RBI) bad ka NABARD.
Kane karai ka pyni ïa ka jingkut jingmut ba iaibteng jong ka Sorkar bad ka jingpynleit jingmut ha ka jingïada ïa ka imlang sahlang bad ka bhaka miat ha ka kam pisa tyngka jong ki nongïoh bai bam tymmen, kum ka jingithuh ïa ka jingshakri ba slem bad ba aiti lut jong ki.
Ka jingpynkylla ia ka bai bylla sngi jong ki nongtrei jong ki PSGIC kan treikam naduh ka 01.08.2022. Ka jingpynkiew kyllum ia ka bai bylla kan long 12.41% ryngkat ka jingkiew kaba 14% halor ka Basic pay bad Dearness allowance kaba la don lypa.
Baroh ki nongtrei jong ka PSGIC ki don 43,247 ngut kiban ioh jingmyntoi na kane ka jingpynkylla. Ka jingpynkylla ka kynthup ruh ia ka jingkyntiew ia ka jingnoh synniang jong ka NPS na ka 10% sha ka 14% na ka bynta ka lawei kaba bha jong ki nongtrei kiba la rung hadien ka 01.04.2010.
La pynkylla ia ka bai bam tymmen na ka bynta ka longiingha ka dor kaba ïaryngkat kaba long 30% naduh ka tarik ba la pynmih ha ka kot khubor, ka ban ai jingmyntoi ïa 14,615 ngut ki nongïohbai bam tymmen na ka long ïing na ki 15,582 ngut ki nongïoh bai bam tymmen na ka bynta ka long ïing kiba la don lypa kum ka dak ka jingsngewnguh ïa ka jingnoh synñiang ba kordor jong ki ha ka seng.
Ka pisa baroh kan long haduh T.8170.30 klur kata T.5822.68 klur sha ki arrear jong ka jingpynkylla ia ka bai bylla, T.250.15 klur na ka bynta ka NPS bad T.2097.47 na ka bynta ka bai bam tymmen na ka byntakalongïing.
Ki PSGIC ki kynthup ïaka National Insurance Company Ltd. (NICL), New India Assurance Company Ltd. (NIACL), Oriental Insurance Company Ltd. (OICL), United India Insurance Company Ltd. (UIICL), General Insurance Corporation of India (GIC), bad Agricultural Insurance Company Ltd. (AICIL).
Ka treikam naduh ka 1 tarik Naiwieng, 2022, ka jingpynkiew ia ka jingsiew bad ki allowance ka long kumba 20 percent na ka bynta baroh ki nongtrei jong ka Group ‘A’, ‘B’ bad ‘C’ ha ka NABARD. Kan ai jingmyntoi haduh 3800 ngut ki nongtrei kiba dang trei bad ki nongtrei barim.
Ka penshon ba kongsan/ka bai bam tymmen na ka bynta jong ka longïingsha ki nongtrei ba la shongthait jong ka NABARD, kiba la thung nyngkong da ka NABARD bad kiba la shongthait shwa ka 1 tarik u Naiwieng, 2017, mynta la wanrah ha kajuh ka kyrdan bad kito kiba la shongthait na ka kam ha ka RBI NABARD.
Ka jingpynkylla ia ka jingsiew ka wanrah ia ka jingpynkiew ia ka bai bylla kaba shi snem kaba long kumba T.170 klur bad ka jingsiew baroh ia ki arrears kaba long kumba T.510 klur.
Katba, ka jingpynkylla ia ka bai bam tymmen, kan wanrah ia ka jingsiew arrear kaba shisien kaba long T. 50.82 klur bad kumjuh ruh ka jingsiew shuh shuh sa T. 3.55 klur ka pisa ha ka jingsiew bai bam tymmen man u bnai sha 269 ngut ki nongshim bai bam tymmen bad 457 ngut ki nongioh bai bam tymmen na ka bynta ka longiing ha ka NABARD.
Ka sorkar ka la mynjur ban pynkylla biang ia ka bai bam tymmen bad ka family pension sha kito kiba la shongthait jong ka Reserve Bank of India (RBI). Ia kane ka rai la shim katkum ka jingkular jong ka Sorkar ban pynthikna ia ki jingmyntoi bai bam tymmen kiba ryntih, kiba biang bad kiba iaineh na ka bynta ki riew tymmen bad kibahaiing jong ki.
Hapoh ka jingpynkylla ba la mynjur, ïa ka bai bam tymmen bad ka family penshon yn pynkiew da 10 percent halor ka bai bam tymmen ryngkat bad ka dearness relief, kaba sdang naduh ka 1 tarik u Naiwieng, 2022.
Kane kan wanrah ïa ka jingkyntiew ïa ka bai bam tymmen ba kongsan da ka jingkheiñ kaba 1.43 na ka bynta baroh kito kiba la shongthait na ka kam, kaba ïalam sha ka jingkiew kaba jur ha ka bai bam tymmen jong ki.
Kane ka jingpynkylla kan ai jingmyntoi ïa baroh 30,769 ngut ki nongïoh jingmyntoi, kiba kynthup ïa 22,580 ngut ki nongïoh bai bam tymmen bad 8,189 ngut ki nongïoh ia ka bai bam tymmen na ka bynta ka longiing.
Ka jingktah ha ka liang ka pisa tyngka baroh la antad ba kan long T.2,696.82 klur, kaba kynthup ïa ka jingpynlut kaba shisien kaba T.2,485.02 klur na ka bynta ki arrear bad ka jingpynlut kaba juman la u snem kaba T.211.80 klur.
Na ki sienjam ba la kdew haneng, baroh ki long kumba. 46,322 ngut ki nongtrei, 23,570 ngut kiba ioh bai bam tymmen bad 23,260 ngut kiba ioh ia ka bai bam tymmen na ka bynta ka longiing. Kane ka sienjam kan ai ka jingiarap ia ki nongtrei jong ki PSGIC bad NABARD, bad ia ki nongioh bai bam tymmen.
Kiba ioh ia ka bai bam tymmen na ka bynta ka longiing jong ka RBI bad NABARD, da kaba iarap ia ki ban bah ia ka jinglut jingsep katba ki dang pynneh ia ka kyrdan im kaba donburom bad ka kyrdan ha ka imlang sahlang hadien ba ki la shongthait.
Ka Sorkar ka dang iai bteng ban pynkhlain ia ki jaka treikam kiba don ka bynta kaba kongsan ha ka jingkiew ka ioh ka kot jong ka ri kaba kynthup lang ia baroh bad kabaiaineh.
