Shillong, Kyllalyngkot 23: Hadien bun snem ba ka skul Savio Secondary School Umjarasi Nongpoh kala ai ka jingshakri sha ki khynnah skul lyngba ka pule ka puthi.Mynta ka sngi kawei ka Company napoh 10Mer Baridua Ri Bhoi District kaba la tip kyrteng kum ka Excel Foods kala noh synniang 2set ki Computer sha kane ka skul ryngkat bad u jingbam Keekoo bad ka dei ruh ka sien kaba nyngkong ban ioh Computer hapoh kane ka skul.
Haba kren bad ka Lakhimoni Das kaba dei ka Human Resource jong kane ka Company ka ong bakane ka dei ka sien kaba nyngkong hapoh sor Nongpoh ban noh synniang daki Computer shapoh ki skul. Bad shuh shuh kala ong ba la doh kumba 4,5 tylli ki skul kiba don hapoh Ri Bhoi District kila noh synniang daki Computer sha ki skul.
Ka Headmistress jong ka Skul Savio Secondary School Umjarasi Nongpoh ka kong Margret Jyrwa kala pynpaw ka jing sgewnguh iaka Company Excel Foods kaba la noh synniang daki computer hapoh ka skul bad ki khynnah skul kin ioh ban pyndonkam iaka Computer kat kum ka juk kaba mynta.
Bad kala ong ruh ba dei lyngba ka jingioh sngew ka jong ka naka sorkar jylla ba don ki company ba lah ban kner ki jing iarap sha ki skul lyngba kino kino ki jingiarap.
